કેન્દ્રની મોદી સરકાર પ્રધાનમંત્રી ઉજ્જવલા યોજના અંતર્ગત મફતમાં એલપીજી કનેક્શન આપવાનું કામ કરે છે. મીડિયા રિપોર્ટ્સ અનુસાર, આ યોજનાનો આગામી તબક્કો જૂનમાં શરૂ થઈ શકે છે. કહેવામાં આવી રહ્યું છે કે હાલની યોજનાનો તબક્કો પણ પહેલા જેવો જ રહેશે. નિયમોમાં કોઈ ફેરફાર કરવામાં આવશે નહીં. જણાવી દઇએ કે 1 ફેબ્રુઆરીએ બજેટ રજૂઆત દરમિયાન નાણાં પ્રધાન નિર્મલા સીતારામણે મફત એલપીજી યોજના (ઉજ્જવલા) ના વિસ્તરણની જાહેરાત કરી હતી. આ યોજના માટે કેવી રીતે અરજી કરી શકો છો અને સરકાર દ્વારા તમને કયા લાભો આપવામાં આવશે. હકીકતમાં પ્રધાનમંત્રી ઉજ્જવલા યોજના અંતર્ગત સરકાર ગરીબી રેખા નીચે જીવન જીવતા પરિવારો માટે ઘરેલૂ ગેસ એટલે કે LPG કનેક્શન પૂરુ પાડવાનું કામ કરે છે. પેટ્રોલિયમ અને નેચરલ ગેસ મંત્રાલયના સહયોગથી આ યોજનાને જમીની સ્તર પર લાગુ કરવામાં આવી છે. અહીં વિશેષ વાત એ છે કે કનેક્શન પરિવારની મહિલાઓના નામે જારી કરવામાં આવે છે. આ ખાસ કરીને ગ્રામીણ ભારતમાં મહિલા સશક્તિકરણમાં મદદ કરે છે.
ઓનલાઇન અરજી કેવી રીતે કરવી
- જો તમારે અરજી કરવાની હોય, તો સૌ પ્રથમ તમારા કમ્પ્યુટર પર પ્રધાનમંત્રી ઉજ્જવલા યોજના pmujjwalayojana.com ની ઓફિશિયલ વેબસાઇટ ખોલો.
- હોમ પેજ તમે વેબસાઇટ ખોલતાં જ દેખાશે. તમે ડાઉનલોડ ફોર્મ પર જાઓ અને તેના પર ક્લિક કરો.
- ડાઉનલોડ ફોર્મ પર ક્લિક કરવા પર, તમે તમારી સામે પ્રધાનમંત્રી ઉજ્જવલા યોજનાનું ફોર્મ જોશો.
- તમારે તેને ભરવું પડશે. આમાં તમારે તમારું નામ, ઈ-મેઇલ આઈડી, ફોન નંબર, કેપ્ચા ભરવાનું રહેશે. આ પછી તમારે ઓટીપી જનરેટ કરવા માટે બનાવેલા બટન પર ક્લિક કરવું પડશે.
- તે પછી તમે આ ફોર્મ ડાઉનલોડ કરો.
- આ ફોર્મ તમારી નજીકની એલપીજી એજન્સીમાં સબમિટ કરી દો.
- આ સાથે, તમારે કેટલાક ડોક્યુમેન્ટ્સ પણ આપવાના રહેશે. ઉદાહરણ તરીકે, આધાર કાર્ડ, સ્થાનિક સરનામાંનો પુરાવો, તમારો ફોટોગ્રાફ વગેરે.
- ડોક્યુમેન્ટ્સની ચકાસણી કર્યા પછી, તમને એલપીજી ગેસ કનેક્શન આપવામાં આવશે.
- નોંધનીય છે કે વડા પ્રધાન ઉજ્જવલા યોજના 1 મે 2016 ના રોજ ઉત્તર પ્રદેશના બલિયામાં પીએમ નરેન્દ્ર મોદીએ શરૂ કરી હતી.
