ઈટલીની રાજધાની રોમમાં એક અજીબોગરીબ ઘટના સામે આવી છે. અહીં એક યુવતીએ જાહેર જગ્યા પર તમામ કપડાં ઉતારીને એક ફાઉંટેનમાં જઈને સ્વિમિંગ કરવા લાગી હતી. આ ઘટના પિયાઝા કોલોના ફાઉંટેનની છે. જે સમયે આ ઘટના થઈ, ત્યારે ત્યાં કેટલાય લોકો હાજર હતાં. અચાનક યુવતીનું આ રીતે નગ્ન થવાની આજૂબાજૂના લોકો આશ્ચર્યચકિત થઈ ગયા હતા. પોલીસે આ યુવતીને તાત્કાલિક બહાર આવવાનું કહ્યું, પણ તે હસતાં હસતાં પોલીસને જોતી રહી. એટલુ જ નહીં પોલીસ દ્વારા ધરપકડ કરવાની ધમકીની પણ તેના પર કોઈ અસર થઈ નહીં. તેણે તો ન્હાવાનું ચાલુ જ રાખ્યું. પોલીસે પણ જીદ પકડી ત્યારે માંડ માંડ બહાર આવી અને પોતાના કપડા લઈને ચાલતી થઈ. જેનો એક વીડિયો સોશિયલ મીડિયા પર વાયરલ થયો હતો. જેમાં આ યુવતી સંપૂર્ણપણે નગ્ન દેખાઈ રહી છે.એક રિપોર્ટમાં જણાવ્યા પ્રમાણે આ અજ્ઞાત યુવતી ટૂરિસ્ટ હતી અને કપડા ઉતારીને ફાઉંટેનમાં કુદ્યા પહેલા તે શહેરમાં ખૂબ ગરમી હોવાનું કહી રહી હતી. ગજબની વાત તો એ છે કે, દેશની સંસદની બાજૂમાં આવેલા આ પ્રખ્યાત ફુંવારા પાસે એટલી બધી સુરક્ષા હોવા છતાં પણ નગ્ન અવસ્થામાં ન્હાવા લાગી આ યુવતી.
