મુંબઇઃ ભારતમા સરકારે અને રિઝર્વ બેન્ક ભલે ક્રિપ્ટકરન્સીનો વિરોધ કરી રહી હોય પરંતુ ભારતીયોને તેમણે ખરીદેલી ચીજવસ્તુઓનું બિટકોઇનમાં પેમેન્ટ કરવાની સુવિધા મળે તે દિવસે બહૂ દૂર નથી.
તાજેતરમાં જ ક્રિપ્ટો એક્સચેન્જ અને ક્રિપ્ટોકરન્સી વોલેટ યુનોકોઇન હવે ભારતમાં તેના વપરાશકર્તાઓને બિટકોઇનથી રોજિંદા વપરાશની વસ્તુઓ ખરીદવાની મંજૂરી આપશે. કોઈ પ્રોડક્ટ માટે રોકડ રકમ ચૂકવવાને બદલે યુનોકોઈન યુઝર્સ ડીટીઝલ કોઈનના ઉપયોગથી વાઊચર્સ ખરીદી શકશે. ત્યારબાદ આ વાઉચરનો ઉપયોગ કન્ઝ્યુમર આઇટમ્સ ખરીદવા માટે કરવામાં આવશે. યુનોકોઈને વાઉચર ખરીદવા માટે બિટકોઇનની 100 રૂપિયાથી 5000 રૂપિયા સુધીની રેન્જ નક્કી કરી છે. આ સાથે જ જે બ્રાન્ડ માટે વાઊચર્સ ખરીદવા છે તેની માહિતી પણ પોતાના મોબાઈલ એપ પર આપશે. વાઉચરની ખરીદી બાદ તેની રકમ યુઝર્સના ક્રિપ્ટો વોલેટમાંથી બિટકોઇનરૂપે કાપી લેવામાં આવશે. આ વાળ યુઝરને વાઉચર કોડ મોકલવામાં આવશે.
યૂઝર કોડનો ઉપયોગ પિઝા,બર્ગર,કોફી,આઈસ્ક્રીમ સહીત ઘણા ઉત્પાદનો ખરીદવા માટે કરી શકશે જોકે ક્રિપ્ટોએક્સચેન્જ યુનોકોઈન આ શરુ કરનાર પ્રથમ કંપની નથી. આ અગાઉ ઝેબપેએ ફ્લિપકાર્ટની સાથે બીટકોઈન માટે કસ્ટમર વાઊચર્સની પાર્ટનરશીપ કરી હતી. બિટકોઇનની કિંમતો તાજેતરમાં ઘણી વધી છે. આ સાથે જ દેશમાં ક્રિપ્ટો એક્સચેન્જને પણ તેનાથી ફાયદો થયો છે. કોઈનડીસીએક્સના વેલ્યુએશનમાં તેજી આવ્યા બાદ તે દેશનું પ્રથમ યુનિકોર્ન ક્રિપ્ટો એક્સચેન્જ બની ગયું છે.તેણે તાજેતરમાં જ 9 કરોડ ડોલરનું ફંડ એકત્ર કર્યું છે.
