સરકારી નોકરીની રાહ જોતા યુવાનો માટે ખુશખબર, બેંક ઓફ ઈન્ડિયામાં ૨૦૫ પદો પર બમ્પર ભરતી
બેન્કિંગ સેક્ટરમાં સરકારી નોકરીની શોધ કરી રહેલા યુવાનો માટે એક ખૂબ જ શાનદાર અને સુવર્ણ તક સામે આવી છે. બેંક ઓફ ઈન્ડિયા (Bank of India) એ વિવિધ વિભાગો અને સ્પેશિયાલિસ્ટ ઓફિસર (SO) ની કુલ ૨૦૫ જગ્યાઓ પર ભરતી માટે સત્તાવાર નોટિફિકેશન બહાર પાડ્યું છે. જો તમે પણ બેંકમાં સારી પોસ્ટ પર કરિયર બનાવવાનું સપ્નું જોઈ રહ્યા છો, તો આ તમારા માટે એક ઉત્તમ તક સાબિત થઈ શકે છે. બેંક દ્વારા બહાર પાડવામાં આવેલી આ ભરતી પ્રક્રિયા અંતર્ગત ચીફ મેનેજર, સિનિયર મેનેજર, લો ઓફિસર, સિક્યોરિટી ઓફિસર અને સિવિલ ઈજનેર જેવા અનેક મહત્વપૂર્ણ પદો પર યોગ્ય ઉમેદવારોની નિમણૂક કરવામાં આવશે. આ જગ્યાઓ માટે ઓનલાઈન અરજી કરવાની પ્રક્રિયા શરૂ થઈ ગઈ છે અને યોગ્ય ઉમેદવારો નિર્ધારિત સમય મર્યાદામાં પોતાનું ફોર્મ ભરી શકે છે.
કયા પદો પર કેટલી જગ્યાઓ ખાલી છે?
બેંક ઓફ ઈન્ડિયાની આ ભરતી સૂચના અનુસાર, કુલ ૨૦૫ પદોને અલગ-અલગ શ્રેણીઓ અને સ્કેલના હિસાબે વહેંચવામાં આવ્યા છે:
ચીફ મેનેજર (સ્કેલ-IV): આ શ્રેણીમાં કુલ ૧૦ પદો નક્કી કરવામાં આવ્યા છે, જેમાં જનરલ અને અન્ય વર્ગો માટે બેઠકો અનામત છે.
સિનિયર મેનેજર (સ્કેલ-III): આ પદ માટે કુલ ૪૯ વેકેન્સી બહાર પાડવામાં આવી છે, જેમાં અલગ-અલગ કેટેગરીના ઉમેદવારો અરજી કરી શકે છે.
મેનેજર (લો / ફાયર / સિક્યોરિટી ઓફિસર – સ્કેલ-II): આ સેગમેન્ટમાં સૌથી વધુ ૧૧૮ પદો પર ભરતી કરવામાં આવનાર છે.
ઓફિસર / સિવિલ ઈજનેર (સ્કેલ-I): આ પ્રારંભિક સ્કેલ અંતર્ગત કુલ ૨૮ પદો પર યોગ્ય યુવાનોની પસંદગી કરવામાં આવશે.
વય મર્યાદા અને શૈક્ષણિક લાયકાત
વય મર્યાદા અને શૈક્ષણિક લાયકાતઆ પદો માટે અરજી કરનાર ઉમેદવારોની ન્યૂનતમ ઉંમર ૧ ઓગસ્ટ ૨૦૨૬ ના આધારે ૨૫ વર્ષ નક્કી કરવામાં આવી છે, જ્યારે મહત્તમ ઉંમર પદની જરૂરિયાત મુજબ ૩૫ થી ૪૨ વર્ષની વચ્ચે હોવી જોઈએ. જો કે, સરકારના નિયમાનુસાર એસસી, એસટી, ઓબીસી અને દિવ્યાંગ વર્ગના ઉમેદવારોને ઉપલી વય મર્યાદામાં વિશેષ છૂટ આપવામાં આવશે. શૈક્ષણિક લાયકાતની વાત કરીએ તો અલગ-અલગ પદોના આધારે સંબંધિત ક્ષેત્રમાં ગ્રેજ્યુએશન, પોસ્ટ ગ્રેજ્યુએશન, એલએલબી (LLB) કે બીટેક (BTech) ની ડિગ્રી હોવી અનિવાર્ય છે. આ સિવાય કેટલાક સિનિયર અને ટેકનિકલ પદો પર અનુભવની પણ માંગ કરવામાં આવી છે.
બેઝિક સેલરી અને અન્ય ભથ્થાં
પસંદગી પામનાર ઉમેદવારોને ઉત્તમ વેતનમાન આપવામાં આવશે. સ્કેલ-I ઓફિસર માટે પ્રારંભિક બેઝિક પે ૪૮,૪૮૦ રૂપિયાથી શરૂ થાય છે, જ્યારે ચીફ મેનેજર એટલે કે સ્કેલ-IV ના પદ પર આ બેઝિક સેલરી વધીને ૧,૦૨,૩00 રૂપિયા સુધી પહોંચી જાય છે. આ ઉપરાંત બેંકના નિયમો અનુસાર મોંઘવારી ભથ્થું (DA), મકાન ભાડા ભથ્થું (HRA) અને બીજા અન્ય બેંક ભથ્થાં પણ અલગથી આપવામાં આવશે.
અરજી ફી અને પ્રક્રિયા
જનરલ, ઓબીસી અને ઈડબલ્યુએસ વર્ગના ઉમેદવારો માટે અરજી ફી ૧૧૮૦ રૂપિયા રાખવામાં આવી છે, જ્યારે એસસી, એસટી અને દિવ્યાંગ શ્રેણીના કેન્ડિડેટ્સને માત્ર ૧૭૫ રૂપિયા ફી ચૂકવવાની રહેશે. ફીની ચુકવણી ઓનલાઈન માધ્યમથી કરી શકાશે. ઇચ્છુક ઉમેદવારો ૨૫ સપ્ટેમ્બર ૨૦૨૬ સુધી બેંકની સત્તાવાર વેબસાઈટ પર જઈને ઓનલાઈન અરજી કરી શકે છે.
