BSNLનો માસ્ટરસ્ટ્રોક: ૨૩૯૯ વાળા પ્લાનમાં મળી રહી છે ૪૭ દિવસની એક્સ્ટ્રા વેલિડિટી!
ભારતીય ટેલિકોમ માર્કેટમાં ખાનગી કંપનીઓના રિચાર્જ પ્લાન્સના સતત વધી રહેલા ભાવ વચ્ચે, સરકારી ટેલિકોમ કંપની BSNL (ભારત સંચાર નિગમ લિમિટેડ) એ તેના ગ્રાહકો માટે એક શાનદાર ઓફર રજૂ કરી છે. જ્યાં રિલાયન્સ જિયો અને ભારતી એરટેલ જેવી મોટી ખાનગી કંપનીઓ તેમના વાર્ષિક વેલિડિટી પ્લાન્સ માટે ઊંચી કિંમત વસૂલી રહી છે, ત્યાં સરકારી કંપની ઘણી ઓછી કિંમતે લાંબી વેલિડિટી અને ઉત્તમ લાભો આપી રહી છે. જો તમે વારંવારના માસિક રિચાર્જની ઝંઝટમાંથી કાયમી ધોરણે છુટકારો મેળવવા અને નોંધપાત્ર રકમની બચત કરવા માંગતા હો, તો BSNLનો આ વાર્ષિક પ્લાન તમારા માટે એક ઉત્તમ અને પૈસાની પૂરી વસૂલાત કરાવનારો સોદો સાબિત થઈ શકે છે. ખાસ વાત એ છે કે, ખાનગી કંપનીઓના સમાન પ્લાન્સની સરખામણીમાં આ પ્લાનની કિંમત ₹1,200 ઓછી છે અને કંપની વધારાની વેલિડિટીનો લાભ પણ આપી રહી છે.
૪૧૨ દિવસની લાંબી વેલિડિટી અને શાનદાર ફાયદા
સરકારી ટેલિકોમ કંપની BSNL પોતાના યુઝર્સ માટે ૨૩૯૯ રૂપિયાનો એક લોકપ્રિય એન્યુઅલ પ્લાન ઓફર કરે છે. સામાન્ય રીતે આ પ્રકારના વાર્ષિક પેક્સમાં ૩૬૫ દિવસ એટલે કે આખા વર્ષની વેલિડિટી મળે છે, પરંતુ કંપનીએ ગ્રાહકોની સુવિધાને ધ્યાનમાં રાખીને આ પ્લાન સાથે ૪૭ દિવસની એક્સ્ટ્રા વેલિડિટી આપવાનો નિર્ણય કર્યો છે. આ લિમિટેડ ટાઈમ ઓફર જોડાવાથી હવે આ પ્લાનની કુલ વેલિડિટી વધીને સીધી ૪૧૨ દિવસ થઈ ગઈ છે. એટલે કે તમને કોઈપણ વધારાના શુલ્ક વગર લગભગ દોઢ મહિનાની સર્વિસ બિલકુલ મફત મળી રહી છે. આ પ્લાનમાં મળતા ફાયદાઓની વાત કરીએ તો યુઝર્સને દરરોજ ૨જીબી હાઇ-સ્પીડ ડેટા, દેશભરના તમામ નેટવર્ક પર સંપૂર્ણપણે અનલિમિટેડ વોઈસ કોલિંગ અને દરરોજ ૧૦૦ ફ્રી એસએમએસની સુવિધા મળે છે. જો કે, એ ધ્યાન રાખવું જરૂરી છે કે ૪૭ દિવસની એક્સ્ટ્રા વેલિડિટીની આ ખાસ ઓફર માત્ર મર્યાદિત સમય માટે જ ઉપલબ્ધ છે, જે ૧૨ સપ્ટેમ્બર ૨૦૨૬ સુધી જ લાગુ રહેશે.
જિયો અને એરટેલના પ્લાનથી કેટલો સસ્તો છે BSNL?
જિયો અને એરટેલના પ્લાનથી કેટલો સસ્તો છે BSNL?જો સરખામણી કરવામાં આવે તો પ્રાઈવેટ ઓપરેટર્સના એન્યુઅલ પેક્સ ખૂબ મોંઘા પડે છે. જિયો અને એરટેલ બંને કંપનીઓનો સૌથી સસ્તો વાર્ષિક પ્લાન ૩૫૯૯ રૂપિયાની કિંમતમાં આવે છે. તેની સામે BSNL નો આ પ્લાન માત્ર ૨૩૯૯ રૂપિયામાં મળી રહ્યો છે. જો આપણે બંનેની કિંમતોની તુલના કરીએ, તો પ્રાઈવેટ ઓપરેટર્સ BSNL ની સરખામણીમાં સીધા ૧,૨૦૦ રૂપિયા વધુ વસૂલી રહ્યા છે. એટલે કે કોઈપણ ઓફર વગર પણ BSNL નો આ પ્લાન જિયો અને એરટેલથી પૂરા ૧૨૦0 રૂપિયા સસ્તો છે. અને જો તેમાં ૪૭ દિવસની એક્સ્ટ્રા વેલિડિટી જોડી દેવામાં આવે, તો આ ડીલ ગ્રાહકો માટે વધુ કિફાયતી અને ફાયદાકારક બની જાય છે.
ડેટા અને અન્ય બેનિફિટ્સની સરખામણી
ખાનગી કંપનીઓના ૩૫૯૯ રૂપિયા વાળા પ્લાન પર નજર કરીએ તો એરટેલ આ કિંમતમાં રોજના ૨જીબી ડેટા આપે છે, જ્યારે જિયો ૨.૫જીબી ડેટા પ્રતિદિન ઓફર કરે છે. આ ઉપરાંત આ બંને પ્રાઈવેટ કંપનીઓ પોતાના આ પ્લાન સાથે અનલિમિટેડ 5G ડેટાનો ફાયદો પણ આપે છે, જે એવા વિસ્તારોમાં કામ આવે છે જ્યાં 5G નેટવર્ક ઉપલબ્ધ છે. આ સિવાય આ પ્લાનમાં કેટલાક OTT પ્લેટફોર્મ્સનું સબ્સ્ક્રિપ્શન પણ સામેલ હોય છે. બીજી બાજુ, BSNL નો ૨૩૯૯ રૂપિયાવાળો પ્લાન ૨જીબી ડેલી ડેટા અને અનલિમિટેડ કોલિંગ સાથે એક શાનદાર અને બજેટ-ફ્રેન્ડલી વિકલ્પ છે, જે ઓછા ખર્ચમાં લાંબી વેલિડિટી ઇચ્છતા યુઝર્સ માટે સૌથી શ્રેષ્ઠ ઓપ્શન છે.
