અમદાવાદ માં એક યુવાન ને લૂંટારુઓએ ધમકાવી તેના મોબાઇલ માંથી રૂ.10 હજાર ટ્રાન્સફર કરાવી ભાગી છૂટ્યા હતા.આ પ્રકાર નો પહેલો બનાવ સામે આવતા પોલીસ પણ બદલાયેલા ટેકનોલોજીના યુગમાં ગુનેગારો ની બદલાયેલી ક્રાઈમ કરવાની રીત જોઈ ચોંકી ઉઠી છે.
વિગતો મુજબ જુહાપુરા વિસ્તારમાં રહેતો અને અભ્યાસ કરતો વિદ્યાર્થી પ્રિયમનગરના ઢાળ નજીક પોતાના મોબાઈલમાં આવેલ મેસેજ જોઈ રહ્યો હતો,તે દરમિયાન આશરે 25 વર્ષનો યુવાન ની પાસે આવ્યો હતો અને મોબાઇલમાં શું કરે છે તેમ કહીને તેની સાથે વાતચીત કરવાનો પ્રયાસ કરતા વિદ્યાર્થી ને અજાણ્યા યુવક સાથે વાતચીત કરવી ન હોવાથી તે તેનું વાહન લઇને થોડે દૂર જતો રહ્યો હતો પરંતુ આરોપી પણ તેની પાસે પહોંચ્યો હતો અને તે દરમ્યાન એક્ટીવા પર અન્ય બે ઈસમો પણ ત્યાં આવી પહોંચ્યા હતા. આ ત્રણેય ઈસમો એ વિદ્યાર્થીને પકડીને ચપ્પુ બતાવી જાનથી મારી નાખવાની ધમકી આપીને તેના ખાતામાં કેટલા રૂપિયા છે તેમ પૂછી વિદ્યાર્થીના મોબાઇલ માંથી 6,000 google pay મારફતે ટ્રાન્સફર કરાવી દીધા હતા.
જોકે બાદમાં આરોપીએ ફરિયાદીને તેના મિત્ર પાસેથી વધુ રૂપિયા મંગાવી આપવા માટે ધમકી આપતા ગભરાઈને તેના મિત્રને ફોન કર્યો હતો અને પોતાના મિત્ર ના મમ્મીને હોસ્પિટલ લઈ ગયા હોવાથી રૂપિયા ની જરૂરિયાત હોવાનું કહીને કૃપયા 4000 મંગાવ્યા હતા તે પણ આ ઈસમો પોતાના ખાતા ટ્રાન્સફર કરી ભાગી છૂટ્યા હતા.
બાદ માં આ વિદ્યાર્થી એ એલિસબ્રિજ પોલીસ મથક માં ફરીયાદ નોંધાવતા પોલીસ વધુ તપાસ કરી રહી છે.
6
/ 100
SEO સ્કોર
