દાઉદ ના ભાઈ ઇકબાલ ની મનીલોડ્રિંગ કેસમાં ધરપકડ,કેટલાક રાજકારણીઓ પણ સામેલ હોવાની ચર્ચા

દાઉદ ઇબ્રાહિમના ભાઇ ઇકબાલ કાસકરની એન્ફોર્સમેન્ટ ડિરેકટોરેટ (ઇડી)એ મનીલોડ્રિંગ કેસમાં ધરપકડ કરી હોવાના અહેવાલો છે.
ખંડણી સહિત ના કેસ માં કાસકર ને ઉંચકી લેવાયો હતો અને થાણેની જેલ માં રાખવામાં આવ્યો હતો. જ્યાં હવે ઇડીના અધિકારી તેને પોતાના કબ્જામાં લઇ મની લોન્ડ્રિગ પ્રકરણમાં ઝીણવટભરી તપાસ શરૂ કરી છે.
અગાઉ કોર્ટે મની લોન્ડ્રિંગ મામલામાં કાસકર સામે પ્રોડકશન વોરન્ટ જારી કર્યું હતું.
અંતરવર્લ્ડના ગેરકાયદે મિલકતના સોદા, હવાલા સોદાને લઇને ઇડી ના અધિકારીઓ એ મુંબઇમાં ૧૫ જેટલા સ્થળો એ છાપો માર્યો હતો જેમાં દાઉદની દિવંગત બહેન હસીના પારકર, સલીમ કુરેશી ઉર્ફે સલીમ ફુટ, છોટા શકીલના સાળા સંબંધિત સ્થળોએ તપાસ હાથ ધરી હતી.
નેશનલ ઇન્વેસ્ટિગેશન એજન્સી (એનઆઇએ) દ્વારા તાજેતરમાં એફઆઇઆર નોંધવામાં આવી હતી. જેના આધારે ઇડીએ કેસ દાખલ કર્યો હતો.
આ મામલામાં અમૂક રાજકીય સંડોવણી પર પણ બાજનજર રાખવામાં આવી છે. ‘ડી’ ગેંગ હજુપણ હવાલા, ક્રિકેટ સટ્ટાબાજી અને બાંધકામના દ્વારા આર્થિક ગેરવ્યવહાર કરતી હોવાનું કહેવાય છે આ બાબતની માહિતી તપાસ એજન્સીને મળી હોવાની પણ વાત છે ત્યારે હવે તે દિશા માં તપાસ શરૂ થઈ છે.