PM મોદી વિદ્યાર્થીઓ સાથે ‘પરીક્ષા પે ચર્ચા’ કરશે ; વિદ્યાર્થીઓની મુંઝવણ ચપટી વગાડતાજ દૂર કરી દેશે !

કોરોનાકાળમાં વિદ્યાર્થીઓના શિક્ષણને ખુબજ મોટી અસર થઈ છે અને તેમાંય ઘરે બેસી રહેલા વિદ્યાર્થીઓ પૂર્ણ શિક્ષણ લઈ શક્યા નથી અને ઓનલાઈન ના અનેક છબરડા વચ્ચે અધકચરુ શિક્ષણ મેળવી શકેલા વિદ્યાર્થીઓને અચાનક બોર્ડની પરીક્ષા આપવાની નોબત આવતા તેઓ મુંઝવણ અનુભવી રહયા છે ત્યારે
પ્રધાનમંત્રી નરેન્દ્ર મોદી 1 એપ્રિલે દિલ્હીના તાલકટોરા સ્ટેડિયમમાં ‘પરીક્ષા પે ચર્ચા’ કાર્યક્રમ દરમિયાન વિદ્યાર્થીઓ સાથે સંવાદ કરશે.
પરીક્ષા પે ચર્ચાનો આ પાંચમો કાર્યક્રમ હશે. આ કાર્યક્રમને લઈને શિક્ષણ મંત્રી ધર્મેન્દ્ર પ્રધાને પત્રકાર પરિષદમાં આ મુજબ જણાવ્યુ હતુ.
પરિક્ષા પે ચર્ચાની 5મી આવૃત્તિ માટે વડા પ્રધાન નરેન્દ્ર મોદી 1 એપ્રિલ 2022ના રોજ બોર્ડની પરીક્ષા આપી રહેલા દેશભરના વિદ્યાર્થીઓ સાથે વાર્તાલાપ કરશે. આ વર્ષે વિદ્યાર્થીઓ PM મોદી સાથે રૂબરૂ વાત કરી શકશે. તમને જણાવી દઈએ કે, ગયા વર્ષે આ ઇવેન્ટ એપ્રિલમાં કોવિડ-19 રોગચાળાને કારણે વર્ચ્યુઅલ મોડમાં યોજવામાં આવી હતી. રસ ધરાવતા વિદ્યાર્થીઓ આ વિશે વધુ વિગતો (pariksha pe charcha 2022 registration link) innovateindia.mygov.in પર જોઈ શકે છે.
શિક્ષણ મંત્રાલયે કહ્યું કે, તેઓ પરીક્ષાના તણાવને કેવી રીતે દૂર કરી શકાય તેના પર તેની આંતરદૃષ્ટિ શેર કરશે. વિદ્યાર્થીઓ વેબસાઇટની મુલાકાત લઈને સંપૂર્ણ વિગતો ચકાસી શકે છે.