સુરતમાં મોડી રાત્રે યુવતી બ્રીજ ઉપરથી મોતની છલાંગ લગાવે તે પહેલાજ ગૃહમંત્રીએ બચાવી લીધી!

ગૃહ રાજ્યમંત્રી હર્ષ સંઘવીનો કાફલો સુરતમાં મોડી રાત્રે પાલ-ઉમરા બ્રિજ નજીકથી પસાર થઈ રહ્યો હતો તે દરમ્યાન બરાબર તેજ સમયે બ્રીજ ઉપરથી કૂદી આત્મહત્યા માટે એક યુવતી પહોંચી હતી. જોકે યુવતી બ્રીજ ઉપરથી નીચે કુદે તે પહેલાં સ્થાનિક લોકો દોડી આવ્યા હતા અને યુવતીને આપઘાત કરતાં બચાવી લીધી હતી તેજ સમયે અહીંથી પસાર થઈ રહેલા ગૃહ રાજ્યમંત્રીએ પોતાનો કાફલો અટકાવી તાત્કાલિક આ યુવતી પાસે પહોંચી ગયા હતા અને યુવતીને સાંત્વના પાઠવી આપઘાત ન કરવા સમજાવી હતી અને આ યુવતીને ન્યાય મળે તે માટે પોલીસ સાથે મોકલી તેની ફરિયાદ લેવા માટેની તજવીજ શરૂ કરાવી હતી.
અત્રે ઉલ્લેખનીય છે કે અગાઉ પણ હર્ષ સંઘવી ગૃહમંત્રી બન્યા તે વખતે સુરતના સરદાર બ્રિજ પર એક વ્યક્તિ આપઘાત માટે પ્રયાસ કરી રહ્યો હોય ત્યારે પણ ગૃહમંત્રીએ પોતાનો કાફલો રોકાવી યુવકનો જીવ બચાવ્યો હતો અને આજેપણ બ્રીજ ઉપરથી કૂદી આપઘાત કરવા જઈ રહેલી યુવતીને સમજાવી ઘરે મોકલવામાં સફળ રહ્યા હતા.
આમ સુરતમાં તેઓએ આ રીતે બે જિંદગી બચાવી તેઓની સમસ્યા સાંભળી હતી.