ગુજરાતની વિધાનસભાની ચૂંટણી નજીક આવી રહી છે, ત્યારે કોંગ્રેસ દ્વારા NSUIના નવા પ્રમુખ તરીકે નરેન્દ્ર સોલંકીની નિમણૂક કરવામાં આવી છે. અગાઉ માહિપાલસિંહ ગઢવીની પ્રમુખ તરીકેનો કાર્યકાળ પૂરો થયા બાદ 1 વર્ષ જેટલો વધારાનો સમય પણ તેઓ પ્રદેશ પ્રમુખ રહ્યા હતા.
દિલ્હીમાં થયેલા ઇન્ટરવ્યૂ દરમિયાન નરેન્દ્ર સોલંકી અને સંજય સોલંકીના નામો ચર્ચામાં હતા હવે આ બંને માંથી નરેન્દ્ર સોલંકીનું નામ ફાયનલ થયું હતું.
નરેન્દ્ર સોલંકી મૂળ કોડીનારના છે અને રાજકોટમાં હોસ્ટેલમાં રહીને અભ્યાસ કરી રહ્યા છે જેઓની નેશનલ સ્ટુડન્ટ યુનિયન ઓફ ઈન્ડિયા (NSUI)ના ગુજરાત પ્રદેશ પ્રમુખ તરીકે નરેન્દ્ર સોલંકીની કોંગ્રેસ દ્વારા નિમણૂક કરવામાં આવી છે.
અત્રે ઉલ્લેખનીય છે કે છેલ્લા ઘણા સમયથી પ્રદેશ પ્રમુખની જગ્યા ખાલી હતી. જે માટે 3 મહિના અગાઉ ઇન્ટરવ્યૂ લેવાયા બાદ આખરે નરેન્દ્ર સોલંકીની પસંદગી થઈ છે.
