વાપીમાં 24 વર્ષના યુવકનું હાર્ટ એટેકથી મૃત્યુ, પરીવાર શોકમાંં ડુબ્યું

વાપીના ચાણોદ ભૂલા નગર માં રહેતા અને વાપી જી આઈ ડી સીમાં આવેલા ગતિ કંપનીમાં નોકરી કરતા પ્રદીપ કુમાર અશોક મિશ્રા ઉ.વ 24 જે વાપી વિસ્તાર માં છેલ્લા કેટલાક સમય થી રહી ને તેના પરિવાર સાથે ગુજરાન ચલાવે છે. તે ગઈ કાલે તેના મિત્રો સાથે વાપીના વી આઈ ગ્રાઉન્ડ પર રવિવાર ની રજા હોવાને કારણે રમવા માટે આવ્યો હતો. ત્યારે અચાનક છાતી ના ભાગે દુખાવો ઉપડતા તે છાતી પાર હાથ મૂકી બોલર ને બોલિંગના કરવા ઈસારો કરીને અન્ય કોઈ કાંઈ સમજે તે પૂર્વે જ પ્રદીપ પીચ ઉપર બે હોશ થઇ ને ઢળી પડ્યો. અને સારવાર માટે તાત્કાલિક હોસ્પિટલમાં લઇ જવામાં આવતા ત્યાં ના તબીબે તેને મૃત જાહેર કર્યો હતો. જેને લઇ તેના મિત્ર વર્તુળમાં અને પરિજનોમાં શોકની લાગણી પ્રવર્તી હતી નોંધનીય છે કે મૃતક પ્રદીપ તેની પત્ની અને 2 વર્ષ ના સંતાન સાથે વાપી માં રહી ને જીવન ગુજરાન ચલાવતો હતો તો પત્ની પણ ગર્વભવતી છે.અને અચાનક પ્રદિપના મોત  થતા પરિવાર એ આર્થિકોપાર્જન કરનાર ગુમાવ્યો તો પત્ની એ પતિ અને પુત્ર એ પિતા ગુમાવતા ઘર ની આર્થિક સ્થિતિ ખરાબ બની છે. પ્રદિપના મોત બાદ પરિવાર વિખરાઇ જતા હવે તેમના ભરણ પોષણ અને પરિવાર ખુબ  ચિંતિત છે. ત્યારે તેમની મદદ માટે કોઈ સંસ્થા કે સમાજ આગળ આવે એવી તેમના પરિજનો એ આશા વ્યક્ત કરી છે.