દેશમાં કોરોનાનું સંક્રમણ સતત વધી રહ્યું છે ત્યારે લોકોને સજાગ થવા નિષ્ણાતો સલાહ આપી રહયા છે અને માસ્ક,વેકશીન, કોરોના ગાઈડ લાઈનનું પાલન કરવા અપીલ કરી છે
દેશમાં છેલ્લા કેટલાક દિવસોથી કોરોનાના કેસમાં સતત વધારો થઈ રહ્યો છે, લોકોમાં વધી રહેલી બેદરકારીને પણ નિષ્ણાતો જવાબદાર ગણાવી રહયા છે.
છેલ્લા 24 કલાકમાં દેશમાં 12,781 નવા કોરોના દર્દીઓ મળી આવ્યા છે. આ દરમિયાન, સક્રિય કેસોમાં 4226 નો વધારો થયો હતો અને તે 76,700 થઈ ગયા હતા. દૈનિક ચેપ દર 4.32 ટકા નોંધાયો છે.
આજે સોમવારે સવારે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા રિપોર્ટ અનુસાર છેલ્લા 24 કલાકમાં 8537 લોકો કોરોનાથી સ્વસ્થ થયા છે. જો કે, સક્રિય કેસોમાં ઝડપી વધારો ચિંતાજનક છે. રવિવારે 12,899 નવા કોરોના સંક્રમિત સામે આવ્યા હતા. તેની સરખામણીમાં સોમવારે 12,781 નવા દર્દીઓ મળી આવ્યા છે, જેમાં થોડો ઘટાડો થયો છે.
છેલ્લા 24 કલાકમાં રોગચાળાને કારણે 18 લોકોએ જીવ ગુમાવ્યા છે. આ સાથે કુલ મૃત્યુઆંક 5,24,873 પર પહોંચી ગયો છે. છેલ્લા એક સપ્તાહથી રોજના 12 હજારથી વધુ નવા દર્દીઓ આવી રહ્યા છે. છેલ્લા કેટલાક દિવસોથી કોવિડ કેસમાં સતત વધારો થઈ રહ્યો છે. જોકે, નિષ્ણાતો તેને કોઈ નવી લહેરનો સંકેત નથી માની રહ્યા. લોકોમાં વધી રહેલી બેદરકારીને પણ નિષ્ણાતોએ આ માટે જવાબદાર ગણાવ્યું છે.
દરમિયાન, નેશનલ ટેકનિકલ એડવાઈઝરી ગ્રુપ ઓન ઈમ્યુનાઈઝેશન (NTAGI) ના વડા ડૉ. એન.કે. અરોરાએ જણાવ્યું હતું કે દેશના 90 ટકા દર્દીઓ હજુ પણ પોતાને સંવેદનશીલ નથી માનતા.
માત્ર 10 ટકા લોકો સાવચેતીના ડોઝ લઈ રહ્યા છે અને કોવિડ તકેદારીના નિયમોનું પાલન કરી રહ્યા છે, તેમની અગવડતા અને ચેપના જોખમને સમજી રહ્યા છે. ડૉ. અરોરાએ કહ્યું કે, કોરોના ચેપ વારંવાર વધતો અને ઘટતો રહેશે. આ રોગચાળાનો સમય છે તેથી લોકોએ પોતાની વર્તણૂક બદલવી પડશે અને ચેપ પ્રત્યે ગંભીર બનવાની જરૂર છે.
સરકારની અન્ય એક સમિતિ અને ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS), નવી દિલ્હીના નિર્દેશક, એમ્પાવર્ડ ગ્રુપના સભ્ય ડૉ. રણદીપ ગુલેરિયાએ જણાવ્યું હતું કે, “કોઈપણ વિલંબ કર્યા વિના સાવચેતીના ડોઝ લેવા જોઈએ.”
કારણકે કોરોના હવે ફ્યૂ બની ચૂકયો છે જેનાથી બચવાનો એકમાત્ર કાયમી ઉપાય વેકશીન છે.
લોકોને સંક્રમણ જ્યારે જ્યારે વધતું જણાય ત્યારે માસ્ક સહિત કોરોનાના નિયમોનું પાલન કરવું જઈએ.
