જ્યારથી અભિનેતા સલમાન ખાનને જાનથી મારી નાખવાની ધમકી મળી છે, ત્યારથી અભિનેતા તેની સુરક્ષાને લઈને વધારાની સાવચેતી રાખી રહ્યો છે. અહેવાલો અનુસાર, સલમાન ખાને તેની સુરક્ષા વધારી દીધી છે, જેના માટે તેણે તેની કારને અપગ્રેડ કરી છે તેણે લેન્ડ ક્રુઝરને બુલેટપ્રુફ બનાવી છે. સમાચાર અનુસાર, અભિનેતાએ તેની કારમાં બખ્તર લગાવ્યું છે અને કારમાં બુલેટ પ્રૂફ ગ્લાસ પણ લગાવવામાં આવ્યા છે.
તમને જણાવી દઈએ કે સલમાન ખાનને ગયા મહિને જાનથી મારી નાખવાની ધમકી મળી હતી. આ ધમકીભર્યો પત્ર કથિત રીતે જેલમાં બંધ ગેંગસ્ટર લોરેન્સ બિશ્નોઈ ગેંગ દ્વારા સલમાન ખાનને આપવામાં આવ્યો હતો. આ પછી સલમાન ખાને હથિયાર રાખવા માટે લાયસન્સ માટે અરજી કરી હતી. હવે તેઓએ સુરક્ષાને ધ્યાનમાં રાખીને કારને પણ અપગ્રેડ કરી છે. જણાવી દઈએ કે, ભૂતકાળમાં, મુંબઈ પોલીસે જણાવ્યું હતું કે, સલમાન ખાને તાજેતરમાં જ ધમકીભર્યો પત્ર મળ્યા બાદ મુંબઈ પોલીસ કમિશનરની ઑફિસમાં સ્વ-રક્ષણ માટે હથિયારના લાયસન્સ માટે અરજી કરી છે.
ગયા મહિને એક ધમકીભર્યો પત્ર મળ્યો હતો
ઉલ્લેખનીય છે કે, 5 જૂને સલમાન ખાન અને તેના પિતા સલીમ ખાનને ધમકીભર્યો પત્ર મળ્યો હતો. બાંદ્રાના બેન્ડસ્ટેન્ડ પ્રોમેનેડ ખાતે સલીમ ખાનના ગાર્ડને ધમકીભર્યો પત્ર મળ્યો હતો. અહીં સલીમ ખાન મોર્નિંગ વોક કરીને બેસે છે. મીડિયા રિપોર્ટ્સ અનુસાર, સલમાન ખાન અને સલીમ ખાનને મળેલા ધમકીભર્યા પત્રમાં લખવામાં આવ્યું હતું કે તેના સિદ્ધુ મૂઝવાલા જેવા હાલ કરવામાંઆવશે. ઉલ્લેખનીય છે કે સલમાન ખાનને ધમકીભર્યો પત્ર મળ્યો તેના થોડા દિવસ પહેલા જ પંજાબી સિંગર સિદ્ધુ મૂઝવાલાની હત્યા કરવામાં આવી હતી.
બિશ્નોઈ ઘણા વર્ષોથી કાવતરું ઘડી રહ્યા હતા
તમને જણાવી દઈએ કે લોરેન્સ બિશ્નોઈ સલમાન ખાનની હત્યા કરીને 1998ના કાળિયાર શિકારનો બદલો લેવા માંગે છે. રિપોર્ટ્સ અનુસાર, બિશ્નોઈએ ખુદ પોલીસ રિમાન્ડમાં ખુલાસો કર્યો હતો કે તેણે વર્ષ 2018માં સલમાન ખાનની હત્યા માટે તમામ તૈયારીઓ કરી હતી. આ માટે તેણે એક ખાસ રાઈફલ પણ ખરીદી હતી, જેના માટે તેણે 4 લાખ રૂપિયા ચૂકવ્યા હતા.
