ઉર્વશી રૌતેલાને મારી નાખવાની ધમકી મળી

પોતાની ફિલ્મ હેટ સ્ટોરી-૪ને લઈને અભિનેત્રી ઉર્વશી રૌતેલા અત્યારે ચર્ચામાં છે. દરમિયાન તેને આ ફિલ્મને લઈને જાનથી મારી નાંખવાની ધમકી મળી હોવાનુ સામે આવ્યુ છે. બદલાની કથા રજુ કરતી આ ફિલ્મમાં દ્રોપદી સાથે ઉર્વશીના પાત્રની સરખામણી કરવામાં આવતા કેટલાક લોકો નારાજ છે અને મહાભારતની તેજસ્વી નારીનુ અપમાન કરાઈ રહ્યુ હોવાના આક્ષેપ સાથે ઉર્વશીને મારી નાખવાની ધમકી આપવામાં આવી છે. ૨૦૧૨માં રજુ થયેલ પહેલી હેટ સ્ટોરી સુપરહિટ નીવડી હતી. ત્યારબાદ હેટ સ્ટોરી-૨ અને હેટ સ્ટોરી-૩ રજુ કરવામાં આવી હતી. ત્યારે અગાઉની કડીઓની જેમ આ ફિલ્મમાં પણ કરણ વાહી, વિશાલ ભાતેના, ગુલશન ગ્રોવર અને ઈહાના ધિલોન જેવા કલાકાર કામ કરી રહ્યા છે. ઉર્વશીના નજીકના સુત્રોનુ કહેવુ છે કે, મારી નાખવાની ધમકીથી ઉર્વશી ચોંકી ઉઠી છે.