પોતાના શ્રેષ્ઠ અભિનય અને સુંદર મુસ્કાન દ્ધારા બોલિવુડમાં પોતાની ખાસ જગ્યા બનાવનારી એક્ટ્રેસ રાણી મુખર્જી લાંબા સમય પછી ફિલ્મ ‘Hichki’ દ્ધારા મોટા પડદા પર વાપસી કરી છે. લગભગ 8 વર્ષ પછી સિદ્ધાર્થ મલ્હોત્રાના ડીરેક્શનમાં બનેલ ફિલ્મ Hichki રિલીઝ થઇ છે. આ ફિલ્મમાં રાણી મુખર્જી લીડ રોલમાં છે. ફિલ્મના પ્રથમ દિવસનું કલેશન સામે આવી ગયું છે અને તમને જણાવી દઈએ કે, આ ફિલ્મ દર્શકોની આશા પર ખરી ઉતરી છે. પ્રાપ્ત માહિતી મુજબ, ફિલ્મે પ્રથમ દિવસે ૩.૩૦ કરોડની કમાણી કરી છે. તેની સાથે એવું લાગી રહ્યું છે કે, આ ફિલ્મ વીકેન્ડમાં ધમાકેદાર કમાણી કરશે.
ફિલ્મની સ્ટોરી મુંબઈની રહેવાસી નૈના માથુર (રાણી મુખર્જી) ની છે જે ટુરેટ સિન્ડ્રોમ સામે લડી રહી છે. જેના કારણે તે અટકાઈ-અટકાઈને વાત કરે છે. સારો અભ્યાસ કર્યો હોવા છતાં નૈના એક શિક્ષકની જોબ કરવા માંગે છે. જેના માટે તે અલગ-અલગ સ્કૂલમાં એપ્લાય પણ કરે છે. ઘણી મુશ્કેલીઓ પછી એક સ્કૂલમાં તેને શિક્ષક તરીકે નોકરી મળે છે. પરંતુ તેની સામે સૌથી મોટી સમસ્યા એ હોય છે કે, તે ક્લાસના ૧૪ બાળકો વધારે શરારતી હોય છે.
આ વિધાર્થીઓના કારણે કોઈપણ શિક્ષક વધારે દિવસ તે સ્કૂલમાં ટકી શકતો નથી. નૈના જેવી તે બાળકોના ક્લાસમાં જતી તો તે બાળકો તેની બોલવાની સ્ટાઈલની મજાક ઉડાવા લાગે છે. સ્ટોરીમાં આગળ ઘણા ટ્વીસ્ટ છે જેમાં એક ક્ષણ માટે નૈના સ્કૂલ છોડવાનું મન બનાવી લે છે. ફિલ્મની સ્ટોરીમાં આગળ શું થાય છે તે જાણવા માટે તમારે ફિલ્મ જોવી પડશે. ફિલ્મની સ્ટોરી કોમન અને પ્રેડીકટેબલ છે પરંતુ ડીરેક્શન કમાલનું છે. ફિલ્મના લોકેશન અને સિનેમેટોગ્રાફી પણ કમાલની છે. ફિલ્મમાં રાણી મુખર્જીની એક્ટિંગ દમદાર છે. આ સિવાય તે 14 બાળકોની એક્ટિંગ પણ બેસ્ટ છે. રાણી મુખર્જીએ લગભગ ૪ વર્ષ પછી સ્ક્રીન પર વાપસી કરી છે પરંતુ આજે પણ તેનો જલવો બરકરાર છે.