ઓકલેન્ડમાં રેવ પાર્ટીમાં લાગી ભયાનક આગ, ૪૦થી વધુનાં મોત

સેન ફ્રાંસિસ્કોના ઓકલેન્ડમાં એક ઈમારતમાં ચાલી રહેલી રેવ પાર્ટીમાં અચાનક આગ લાગવાની ઘટના સામે આવી છે. આગ એટલી ભયાનક હતી કે પાર્ટીમાં ૪૦થી વધુ લોકોનાં મોત થયાની આશંકા વ્યકત કરવામાં આવી રહી છે. જેમાંથી કેટલાક સેલિબ્રિટી પણ હોવાનું કહેવામાં આવી રહ્યું છે. પ્રાથમિક રિપોર્ટ પ્રમાણે ભયાનક આગ બાદ બિલ્ડિંગની છત ધરાશાયી થઈ ગઈ હતી. હાલ પોલીસ અને ફાયર ફાઈટર દ્રારા સર્ચ ઓપરેશન હાથ ધરવામાં આવી રહ્યું છે. ઓકલેન્ડના ફાયર ફાઈટરના પ્રમુખ ટેરેસા ડેલોક રીડે જણાવ્યું કે ઓકલેન્ડ ઘોસ્ટશિપ નામની બે માળની બિલ્ડિંગના ઉપરના માળે મોડી રાતે આગ લાગી હતી. ઈલેકટ્રોનિક ડાંસ મ્યૂઝિક પાર્ટીમાં આગ કેવી રીતે લાગી તે જાણી શકાયું નથી. કહેવામાં આવી રહ્યું છે કે પાર્ટીમાં ૫૦થી ૧૦૦ લોકો હાજર હતા. તો ફેસબૂક ઈવેન્ટ પેઈઝ પર જણાવ્યા પ્રમાણે પાર્ટીમાં ૧૭૬ લોકો જોડાશે તેવી યોજના હતી.