રિસેપ્શન પાર્ટીમાં સોનમ કપૂર આનંદ આહૂજા સાથે રોમેન્ટિક અંદાજમાં જોવા મળી

સોનમ કપૂર અને આનંદ આહૂજાની મચઅવેટેડ વેડિંગ મંગળવારે અંતે હસી ખુશીથી સંપન્ન થયા છે. મેરેજ બાદ સોનમ કપૂરના પરિવાર તરફથી મુંબઈની હોટલ લીલામાં ગ્રાંડ રિસેપ્શન પાર્ટી રાખવામાં આવી હતી. રિસેપ્શનમાં બોલિવુડ અને રાજનીતિની દિગ્ગજ હસ્તીઓ સામેલ થઇ હતી. રિસેપ્શન દરમિયાન જ્યારે સોનમ કપૂર અને આનંદ આહૂજાની એન્ટ્રી થઇ તો લોકો બસ ન્યૂલી વેડેડ આ કપલને સાથે જોતા રહી ગયા. સોનમ કપૂર અને આનંદ આહૂજાએ સાથે ઘણા ફોટોઝ પણ ક્લિક કરાવ્યા છે. તે દરમિયાન આ બંનેની જોડી વધારે રોમેન્ટિક લાગી રહી હતી. સોનમ કપૂરના મેરેજનો કાર્યક્રમ ૩ દિવસ સુધી ચાલ્યો અને આ ત્રણ દિવસ બોલિવુડ સેલેબ્સ સોનમના મેરેજમાં ખૂબ વ્યસ્ત રહ્યા છે. સોનમ કપૂરે ૨ વર્ષથી ચાલી રહેલ તેના અને આનંદ વચ્ચેના અફેરની ખબરો પર વિરામ લગાવતા લોંગટાઈમ બોયફ્રેન્ડ આનંદ આહૂજા સાથે મેરેજ કરી લીધા છે. સોનમ-આનંદની રિસેપ્શન પાર્ટીમાં કરણ જોહર, કરીના કપૂર, કાજોલ, આલિયા ભટ્ટ, રણબીર કપૂર, સલમાન ખાન, શાહરૂખ ખાન, નીતા અંબાણી, માધુરી દીક્ષિત, જૂહી ચાવલા સહિત ઘણા સેલિબ્રિટીઝ સામેલ થયા હતા. ઉલ્લેખનીય છે કે, અનિલ કપૂરની લાડલી અને એક્ટ્રેસ સોનમ કપૂર આજે દિલ્હી બેઝ બિઝનેશમેન આનંદ આહૂજા સાથે લગ્નગ્રંથીથી જોડાઈ છે. સોનમ અને આનંદના મેરેજ પંજાબી રીત-રિવાજ થયા છે. સોનમ કપૂરના મેરેજ તેની માસીની પૈતૃક હવેલી પર થયા છે. લગ્નની રસમો પૂર્ણ થયા પછી સોનમ અને આનંદે કેક કટિંગ પણ કર્યું હતું. તેમની વેડિંગ કેક પણ ફની અંદાજમાં બનાવવામાં આવી હતી. સોનમ અને આનંદના મેરેજમાં ફક્ત બંનેની ફેમિલી હાજર રહી હતી. આ સિવાય અન્ય સેલિબ્રિટીઝ પણ સોનમ કપૂરના મેરેજમાં સામેલ થયા હતા. કરીના કપૂર, સૈફ અલી ખાન, જેકલીન ફર્નાડીઝ, રાણી મુખર્જી, કરિશ્મા કપૂર, અમિતાભ બચ્ચન, અભિષેક બચ્ચન, શ્વેતા નંદા, આમિર ખાન, કરણ જોહર, રણવીર સિંહ સહિત ઘણા સેલેબ્સ આ સોનમ કપૂરના મેરેજમાં સામેલ થયા હતા. મેરેજ પહેલા સોનમની સંગીત સેરેમની મુંબઈના સેન્ટેક BKC માં યોજાઈ હતી. સંગીતમાં સોનમની બહેન રિયાની સાથે સોનમની બાકી કઝીન્સ પણ હાજર રહી હતી. ફંક્શન માટે ડ્રેસ કોર્ડ ઇન્ડીયન ફેસ્ટીવ શેડ્સ ઓફ વ્હાઈટ રાખવામાં આવ્યો હતો. જ્યાં બધા જ મહેમાનો તે જ શેડ્સમાં નજર આવ્યા હતા. સોનમના સંગીતમાં ફરાહ ખાન, ખુશી અને જહાનવી કપૂર, અર્જુન કપૂર, કરણ જોહર, શિલ્પા શેટ્ટી, વરુણ ધવન, કેટરીના કૈફ, ઈઝાબેલ કૈફ, ચંકી પાંડે, સ્વરા ભાસ્કર, કરિશ્મા કપૂર, રેખા, જેકલીન ફર્નાન્ડીઝ, સંજય કપૂર, મોહિત મારવાહ, રાની મુખર્જી સહિત ઘણા સેલેબ્સ હાજર રહ્યા હતા. સંગીત સેરેમની પહેલા સોનમ કપૂર અને આનંદ આહૂજાની મહેંદી સેરેમની હતી. મહેંદી સેરેમનીમાં સમગ્ર કપૂર ખાનદાન નજર આવ્યું તેની સાથે જ બોલીવુડ સેલેબ્સ પણ આ ફંક્શનનો હિસ્સો બન્યા હતા. આ સેરેમનીમાં સોનમ અને આનંદ સાથ સાથે જોવા મળ્યા. સોનમે મહેંદીના આ ખાસ અવસર પર પીચ કલરનો લહેંગો પહેર્યો હતો, આનંદ પણ પીચ કલરના આઉટફીટમાં જોવા મળ્યો હતો. કપૂર ફેમેલીના દરેક સભ્યએ આ ઇવેન્ટને ખૂબ એન્જોય કરી. સોશિયલ મીડિયા પર સોનમની મહેંદીના ઘણા વિડિયોઝ વાયરલ થઇ રહ્યા છે.