Adani Group Stocks
Adani Group Companies Stocks: આજે લોકસભા ચૂંટણીના પરિણામોના દિવસે શેરબજાર અને અદાણી ગ્રૂપના શેરમાં ઘટાડો જોવા મળ્યો છે. અદાણી ગ્રૂપની તમામ કંપનીઓના શેરમાં નબળાઈ છે અને તેઓ નીચે ટ્રેડ કરી રહ્યાં છે.
Adani Group Companies Stocks: આજે લોકસભા ચૂંટણીના પરિણામોનો દિવસ ગૌતમ અદાણીના અદાણી ગ્રૂપની કંપનીઓ માટે ભારે જણાઈ રહ્યો છે. સવારે 9.15 કલાકે બજાર ખુલ્યા બાદ 10.14 કલાકે અદાણી ગ્રુપની તમામ કંપનીઓના શેર ઘટાડા સાથે લાલ નિશાનમાં ટ્રેડ થઈ રહ્યા હતા. અદાણી ગ્રુપની ફ્લેગશિપ કંપની અદાણી એન્ટરપ્રાઇઝ 6 ટકાથી વધુ નીચે ટ્રેડ કરી રહી છે.
જાણો અદાણીના શેરમાં કેટલો ઘટાડો થયો છે
અદાણી ગ્રુપની કંપનીઓમાં આજે સૌથી વધુ ઘટાડો અદાણી ટોટલ ગેસ લિમિટેડમાં થયો છે અને તે 7.7 ટકા ઘટ્યો છે. આ પછી NDTVના શેરમાં 6.7 ટકાનો ઘટાડો થયો છે. અદાણી પોર્ટ્સમાં 6.6 ટકાનો ઘટાડો જોવા મળી રહ્યો છે. અદાણી એન્ટરપ્રાઇઝ 6.3 ટકાના ઘટાડા સાથે કારોબાર કરી રહ્યો છે. અદાણી પાવર લિમિટેડ 6.2 ટકા નીચે છે.
સવારે 10.35 વાગ્યે શેરબજારની સ્થિતિ
10.35 પર સેન્સેક્સ 1976.50 પોઈન્ટ્સ અથવા 2.58 ટકાના ઘટાડા સાથે 74,492 ના સ્તર પર ટ્રેડ કરી રહ્યો છે. NSE નો નિફ્ટી 594.85 પોઈન્ટ અથવા 2.56 ટકાના ઘટાડા સાથે 22,669 ના સ્તર પર કારોબાર કરી રહ્યો છે.
અદાણીના તમામ શેરોમાં આજે ઘટાડો કેમ છે?
અદાણી ગ્રુપ માટે એવું કહેવાય છે કે NDA સરકારની નીતિઓ અદાણી ગ્રુપની કંપનીઓ માટે બિઝનેસના દૃષ્ટિકોણથી અનુકૂળ છે. એનડીએના છેલ્લા 10 વર્ષના કાર્યકાળ દરમિયાન, કંપનીઓએ સારી વૃદ્ધિ હાંસલ કરી છે અને ઘણા વૈશ્વિક કરારો પર હસ્તાક્ષર કર્યા છે. આજે શેરબજારમાં ઘટાડાની અસર અદાણી ગ્રુપની કંપનીઓના શેર પર જોવા મળી રહી છે. આજે સવારે બજાર ખુલ્યાની પાંચ મિનિટમાં જ 1300 પોઈન્ટનો ઘટાડો જોવા મળ્યો હતો, જેના કારણે BSE પર લિસ્ટેડ કંપનીઓની માર્કેટ મૂડીમાં રૂ. 11 લાખ કરોડથી વધુનો ઘટાડો થયો હતો.
