Anant-Radhika
Reliance Jio Free Recharge Plan: આ વાયરલ મેસેજમાં લખ્યું છે કે Jio યુઝર્સે ત્રણ મહિના માટે ફ્રી રિચાર્જ પ્લાન ખરીદવા માટે એક લિંક પર ટેપ કરવું પડશે. જોકે, આ મેસેજ સંપૂર્ણપણે ફેક છે.
Anant Ambani Radhika Merchant Wedding: ઈન્સ્ટન્ટ મેસેજિંગ પ્લેટફોર્મ વોટ્સએપ પર હાલમાં એક મેસેજ વાયરલ થઈ રહ્યો છે. આ મેસેજમાં એવો દાવો કરવામાં આવ્યો છે કે રિલાયન્સ જિયો અનંત અંબાણી અને રાધિકા મર્ચન્ટના લગ્ન પ્રસંગે જિયો યુઝર્સને 3 મહિનાનું ફ્રી રિચાર્જ આપી રહ્યું છે. આ વાયરલ મેસેજમાં લખવામાં આવ્યું છે કે Jio યુઝર્સને ત્રણ મહિના માટે ફ્રી રિચાર્જ પ્લાન ખરીદવા માટે એક લિંક પર ટેપ કરવું પડશે. જો કે, આ મેસેજ સંપૂર્ણપણે નકલી છે અને છેતરપિંડીનું જોખમ નોંધપાત્ર રીતે વધી ગયું છે.
ઈન્ડિયા ટુડેના એક અહેવાલ અનુસાર, ટેલિકોમ કંપનીએ પુષ્ટિ કરી છે કે તે વપરાશકર્તાઓને કોઈ ફ્રી રિચાર્જ પ્લાન ઓફર કરી રહી નથી અને આવા સંદેશાઓ પર વિશ્વાસ ન કરવો જોઈએ. કંપનીએ એમ પણ કહ્યું છે કે આવા મેસેજના કારણે યુઝર્સ મોટા કૌભાંડમાં ફસાઈ શકે છે.
આ ફેક મેસેજ વાયરલ થઈ રહ્યો છે
આ વાયરલ મેસેજમાં લખ્યું છે – “12મી જુલાઈના રોજ અનંત અંબાણીના લગ્ન પ્રસંગે, મુકેશ અંબાણી ભારતના તમામ Jio યુઝર્સને 3 મહિનાનું 799 રૂપિયાનું ફ્રી રિચાર્જ આપી રહ્યા છે. તો હવે તમારો રિચાર્જ નંબર રજીસ્ટર કરવા માટે નીચે આપેલ બ્લુ લિંક પર ક્લિક કરો. ” તમને જણાવી દઈએ કે તેમાં મહા કેશબેક નામની અજાણી સાઈટની લિંક પણ આપવામાં આવી છે.
