મુખ્યમંત્રી વિજય રૂપાણી દ્વારા વાઈબ્રન્ટ 2019 પહેલા સુરત શહેરના વિકાસનું પ્રાથમિક જાહેરનામું મંજૂર કરવામાં આવ્યું છે. જેમાં નીચેની બાબતોનો સમાવેશ કરવામાં આવ્યો છે.
1. SUDA માંથી પસાર થતાં અમદાવાદ-મુંબઇ નેશનલ હાઇવે ઉપરની આશરે ૨૫ કિ.મી. લંબાઇની રસ્તા રેખા પર 2. રસ્તાની બંને બાજુએ ૧ – ૧ કિ.મી. સુધી કામરેજ- પલસાણા કોરીડોર રૂપે હાઇ ડેન્સીટી ઝોન જાહેર.
2. સદર કામરેજ- પલસાણા કોરીડોરની જમીનોમાં ૪.૦નો એફ.એસ.આઇ. મળવાપાત્ર થશે.
3. આમાં બેઝ એફ.એસ.આઇ. તરીકે ૧.૨ તથા ચાર્જેબલ એફ.એસ.આઇ તરીકે ૨.૮ મળી ૪.૦૦ સુધીની એફ.એસ.આઇ. ચાર્જેબલ એફ.એસ.આઇ. માટે જંત્રીના ૪૦ ટકા મુજબ વસુલ લેવામાં આવશે.
4. સમગ્ર વિસ્તાર માટે ખાસ નગર રચના યોજના બનાવવામાં આવશે.
5. મુસદ્દારૂપ નગર રચના યોજના બનાવતી વેળાએ નેશનલ હાઇવેની બંને બાજુએ નેશનલ હાઇવેને સમાંતર ૩૦ મી. અને ૪૫ મી. પહોળા રસ્તાઓનું આયોજન.
6. આ ઉપરાંત, મોજે અંત્રોલીમાં બુલેટ ટ્રેનના સુચિત સ્ટેશનની આસ-પાસના આશરે ૧૦૦૦ હેકટર વિસ્તારને હાઇસ્પીડ રેલ કોરીડોર – સીબીડી- એચએસઆર – સીબીડી એચ-નોડ (High Speed Rail Corridor – CBD – HSR-CBD – hNODE) તરીકે જાહેર.
7. સદર હાઇસ્પીડ રેલ કોરીડોરમાં આવતી જમીનોમાં મહત્તમ ૫.૪ સુધીની એફ.એસ.આઇ. મળવાપાત્ર થશે.
8. આમાં બેઝ એફ.એસ.આઇ. તરીકે ૧.૮ તથા ચાર્જેબલ એફ.એસ.આઇ તરીકે ૩.૬ મળી ૫.૪૦ સુધીની એફ.એસ.આઇ. ચાર્જેબલ એફ.એસ.આઇ. માટે જંત્રીના ૪૦ ટકા મુજબ વસુલ લેવામાં આવશે. સમગ્ર વિસ્તાર માટે ખાસ નગર રચના યોજના બનાવવામાં આવશે.
9. શહેરની અંદર આવેલી ઔદ્યોગિક વસાહતોને શહેરની બહાર લઇ જવાના ભાગરૂપે સુચિત ઇન્ડસ્ટ્રી શીફટીગ ઝોન તરીકે સ્પેશીયલ નોડ સીજીડીસીઆરની જોગવાઇઓમાં નીચે મુજબના નિયમો કરેલ છે.
10. સ્પેશીયલ નોડમા રહેણાક અથવા વાણીજય હેતુ માટે વિકાસ કરે તો રહેણાક આર૧ તરીકે બેઝ એફ.એસ.આઇ. ૧.૮ + ૦.૯ (ચાર્જેબલ) એફ.એસ.આઇ.
11. ભવિષ્યના વિકાસને ધ્યાને રાખી પહોળા રસ્તા મળે તેવી જોગવાઇ.
12.સુડા વિસ્તારમાં સમાવેશ થયેલ મોજે. વાંસવા, દામકા, ભટલાઇ તથા મોરા ગામની ખેતી વિષયક ઝોનમાં સમાવિષ્ટ જમીનોની આજુબાજુમાં હજીરાનો મોટા પ્રમાણમાં ઔધોગીક વિસ્તાર હોઇ તેના કામદારોને રહેણાંક મકાનોનો લાભ મળે તે હેતુથી સદર જમીનોનો રહેણાંક ઝોનમાં ફેરફાર.
13. ૧૨૦ મી. ના રીંગરોડની પથરેખાનો યોગ્ય રીતે વિકાસ થાય તેવા હેતુથી આયોજનમાં મોજે ઓલપાડ તાલુકાના સાંધીયેર, માધર, પરીયા, સીવાણ, ભારૂડી, કારેલી, સાયણ, કુડસડ, ખલીપોર અને નરથાણ એમ ૧૦ ગામો, મોજે કામરેજ તાલુકાના શેખપુર, વેલંજા, ધલુડી, અંત્રોલી, થારોલી, નવીપારડી, ધોરણ પારડી, કરજણ, વલણ અને પરબ મળી ૧૦ ગામો અને મોજે પલસાણા તાલુકાના ભુતપોર અને કણાવ એમ ૨ ગામો મળી કુલ ૨૨ ગામોનો SUDAની હદમાં સમાવેશ કરાયો.
14. વધુમાં SUDA DP-૨૦૩૫માં સુચવાયેલ રીઝર્વેશનોની જરૂરીઆત બાબતે ઝીણવટભરી ચકાસણી કરી, અભ્યાસ કરવા સ્થાનિક કક્ષાએ એક કન્સલ્ટેટીવ કમિટીની રચના.
આમ, મુખ્યમંત્રીશ્રી વિજયભાઇ રૂપાણી દ્વારા ત્વરિત નિર્ણયો લેવાની સફળગાથા ચાલુ રાખતાં સુરત શહેરનો વિકાસ નક્શો મંજૂર કરી શહેરને દુનિયાના વિકસતા શહેરોની હરોળમાં મૂકવાની આગેકૂચ કરેલ છે.