ભારતીય જનતા પાર્ટીએ લોકસભા ચૂંટણી માટે આક્રમક અભિયાન શરૂ કરી દીધું છે. PM મોદીએ પોતાના ટ્વીટર હેન્ડલ પર એક વીડિયો શેર કરીને ‘ મેં ભી ચોકીદાર’ અભિયાન શરૂ કર્યું છે. આ વીડિયોમાં કેન્દ્ર સરકારના કામોનો ઉલ્લેખ કરવામાં આવ્યો છે. વીડિયોના અંતમાં 31 માર્ચના રોજ સાંજે 6 વાગ્યે PM મોદી સાથે જોડાવા માટે આહ્વાન આપવામાં આવ્યું છે.
PM મોદીએ ટ્વીટ કર્યું કે ‘તમારો ચોકીદાર ડગ્યા વિના ઉભો છે અને દેશની સેવા કરી રહ્યો છે, પરંતુ અહીં હું એકલો નથી. એ દરેક શખ્સ જે ભ્રષ્ટાચાર, ગંદકી, સામાજિક અનિષ્ટો સામે લડે છે તે ચોકીદાર છે. જે પણ દેશના વિકાસ માટે કામ કરે છે તે ચોકીદાર છે. આજે દરેક ભારતીય કહે છે #MainBhichowkidar‘
વડાપ્રધાન મોદીએ ટ્વીટર પર 3.45 મિનિટનો વીડિયો શેર કર્યો છે. આ વીડિયોમાં સરકારના કામોને દર્શાવવામાં આવ્યા છે. વીડિયોના અંતમાં PM મોદી #MainBhichowkidar અભિયાન સાથે 31 માર્ચ 2019ના રોજ જોડાવા આહ્વાન કરે છે.