ફેસબુકની માલિકીની આ મેસેજિંગ એપ માટે યુઝર્સ લાંબા સમયથી ફિંગરપ્રિન્ટ ઓથેન્ટિકેશનની માંગ કરી રહ્યા હતા. સોશિયલ મેસેજિંગ એપ્લિકેશન વોટ્સએપ ટૂંક સમયમાં પોતાના યુઝર્સ માટે એક નવું ફિચર લાવી રહ્યું છે. જે પહેલા કરતા વોટ્સએપને વધારે સુરક્ષિત બનાવશે. વોટ્સએપને વધુ સુરક્ષિત બનાવવા માટે તેને ઑથેન્ટિકેશન ફીચરની મદદથી યુઝર્સ પોતાની ફિંગરપ્રિન્ટની મદદથી ઓપન કરી શકાશે.
વોટ્સએપ પણ છેલ્લા એક વર્ષથી ફિંગરપ્રિન્ટ ઓથેન્ટિકેશન પર કામ કરી રહ્યું છે. હેવના લેટેસ્ટ બીટા વર્ઝનમાં આ ફિંગરપ્રિન્ટનું ફિચર આપવામાં આવશે. એન્ડ્રોઈડ માટે વોટ્સએપની લેટેસ્ટ બીટા વર્ઝન અપડેટ 2.19.83 તાજેતરમાં જ રોલઆઉટ થઈ છે. બીટા યુઝર્સ આ ફીચરને સેટિંગ્સમાં જઆને ઓન કરી શકશે. બાય ડિફોલ્ટ આ ફીચર ડિસેબલ છે અને સાથે સાથે દરેક બીટા યુઝર્સને આ ફીચરનો લાભ નથી મળ્યો.
એક રિપોર્ટ અનુસાર આ ફિચરને ઓન કરવા માટે યુઝર્સે વોટ્સએપના સેટિંગ્સમાં જઈને Account >Privacy > Use Fingerprint to Unlock સિલેક્ટ કરવાનું રહેશે. ફિંગરપ્રિન્ટ ઓથેન્ટિકેશન ફીચરને ઓન કરાશે ત્યારે વોટ્સએપ યુઝર્સની ફિંગરપ્રિન્ટ રજિસ્ટર કરવાની રહેશે. અહીં તમને એપ્લિકેશન લોક કરવા માટે એક મિનિટ, 10 મિનિટ અથવા 30 મિનિટ બાદ લોક કરવાનો ઓપ્શન આપવામાં આવશે. તમે ઘણી બધી વાર ખોટી ફિંગરપ્રિન્ટ એડ કરશો તો આ એપ એરર મેસજ પણ બતાવશે.