iPhone SE 4: iPhone SE4 અને સંભવિત નામમાં ફેરફાર અંગે નવું લીક
iPhone SE 4: એપલના iPhone SE4ની ચર્ચા ઘણા સમયથી ચાલી રહી છે. iPhone પ્રેમીઓ આ નવા મોડલની આતુરતાથી રાહ જોઈ રહ્યા છે. અત્યાર સુધીના રિપોર્ટ્સ અનુસાર Appleના આ આવનાર iPhoneમાં પાવરફુલ ફિચર્સ હોવાની શક્યતા છે અને તે માર્કેટનો સૌથી સસ્તો iPhone હશે. iPhone SE4ને લઈને ઘણી વખત લીક્સ સામે આવ્યા છે. હવે એક નવું લીક સામે આવ્યું છે, જેમાં દાવો કરવામાં આવ્યો છે કે આ સ્માર્ટફોનને નવા નામ સાથે લોન્ચ કરવામાં આવી શકે છે.
નોંધનીય છે કે એપલે 2022માં iPhone SE3 લોન્ચ કર્યો હતો. હાલમાં, કંપની દ્વારા આ અપકમિંગ આઇફોન વિશે કોઈ સત્તાવાર માહિતી શેર કરવામાં આવી નથી, પરંતુ ઘણા લીક થયેલા અહેવાલોમાં તેના ફીચર્સ અને ડિઝાઇન વિશે અનુમાન લગાવવામાં આવ્યું છે.
iPhone SE4 વિશે મોટો ઘટસ્ફોટ
એક ચીની ટિપસ્ટર દ્વારા કરવામાં આવેલા ખુલાસો અનુસાર, Apple iPhone SE4ને નવા નામ સાથે બજારમાં રજૂ કરી શકે છે. રિપોર્ટ અનુસાર, તેને iPhone 16eના નામથી પણ લોન્ચ કરી શકાય છે. જો Apple આવું કરે છે, તો તે હાલની iPhone 16 સિરીઝનો એક ભાગ હશે અને તે સૌથી સસ્તો iPhone પણ સાબિત થઈ શકે છે.
iPhone 16eમાં, વપરાશકર્તાઓ iPhone 16 જેટલી જ સ્ક્રીન સાઈઝ મેળવી શકે છે. એટલે કે આ આવનાર iPhone 6.1 ઇંચની ડિસ્પ્લે સાથે રજૂ કરી શકાય છે. iPhone 16eમાં સંપૂર્ણ એજ-ટુ-એજ સ્ક્રીન અને ટોચ પર નોચ ડિઝાઇન હશે.
iPhone SE4માં iPhone 16 સિરીઝની જેમ Type-C પોર્ટ હશે, જેનો ઉપયોગ વર્તમાન iPhonesમાં થઈ રહ્યો છે.
