RBIની સખતાઈ વચ્ચે બેન્કો દ્વારા ક્રેડિટ કાર્ડ્સની વધુ જારીઆત

RBI: રિઝર્વ બેન્કની સખતાઈ છતાં બેન્કો દ્વારા ક્રેડિટ કાર્ડસ જારી કરવાની માત્રા ઊંચી

RBI:  પરસનલ લોન તથા ક્રેડિટ  કાર્ડ  જેવી અનસિકયોર્ડ લોનની માત્રા ઘટાડવા રિઝર્વ બેન્ક ઓફ ઈન્ડિયા (આરબીઆઈ) એક તરફ પ્રયાસ કરી રહી છે ત્યારે બીજી બાજુ દેશની બેન્કો દ્વારા ક્રેડિટ કાર્ડસ જારી કરવાની સંખ્યામાં વધારો જોવા મળી રહ્યો છે.

૨૦૨૪ના ડિસેમ્બરમાં દેશની બેન્કોએ જારી કરેલા ક્રેડિટ કાર્ડસની સંખ્યા ૮.૨૦ લાખ સાથે ચાર મહિનાની ટોચે રહી હતી. નવેમ્બરમાં આ આંક ૩.૫૦ લાખ હતો. આમ ક્રેડિટ કાર્ડસ જારી કરવાની સંખ્યામાં જંગી ઉછાળો જોવા મળ્યો

ક્રેડિટ કાર્ડસ મારફતની ખરીદીમાં વધારાને પરિણામે બેન્કો વિવિધ સ્કીમ સાથેના ક્રેડિટ કાર્ડસ ઓફર કરી રહી છે, જેને કારણે કાર્ડસ માટે આકર્ષણ વધી રહ્યું છે. તહેવારો દરમિયાન ઓનલાઈન ખરીદીમાં ધસારો જોવા મળે છે એટલુ જ નહીં કેશ ડિસ્કાઉન્ટ જેવી સ્કીમનો પણ મોટો લાભ થતો હોવાથી ક્રેડિટ કાર્ડસ મારફતની ખરીદી વધુ જોવા મળે છે.