ગુજરાતમાં આધુનિક જીવનશૈલીના પ્રભાવથી ડાયાબિટીસ અને કેન્સરના કેસમાં નોંધપાત્ર વધારો

ગુજરાતમાં ત્રણ વર્ષમાં ડાયાબિટીસના 47 લાખથી વધુ દર્દીઓ નોંધાતા આરોગ્ય નિષ્ણાતોમાં ચિંતા

અત્યાધુનિક જીવનશૈલી, અનિયમિત ખોરાક અને વધતી તણાવસભર જીવનશૈલીના પરિણામે રાજ્યમાં અનેક ગંભીર આરોગ્ય સમસ્યાઓ વધી રહી છે. ખાસ કરીને ડાયાબિટીસ અને કેન્સરના કેસોમાં છેલ્લા ત્રણ વર્ષમાં ઉછાળો નોંધાયો છે. તાજેતરના આંકડા મુજબ ગુજરાતમાં 47.66 લાખ લોકોને ડાયાબિટીસનું નિદાન થયું છે, જ્યારે 2.26 લાખથી વધુ લોકોમાં કેન્સર નોંધાયું છે, જે આરોગ્ય ચિંતાને વેગ આપે છે.

ત્રણ વર્ષમાં 5.95 કરોડ સ્ક્રીનિંગ, જેમાં ડાયાબિટીસનો મોટો હિસ્સો

રાજ્યસભામાં રજૂ થયેલા રિપોર્ટ પ્રમાણે છેલ્લા ત્રણ વર્ષ દરમિયાન ગુજરાતમાં 5.95 કરોડથી વધુ સ્ક્રીનિંગ કરવામાં આવ્યા હતા. આમાંથી 47.66 લાખ વ્યક્તિઓમાં ડાયાબિટીસ પોઝિટિવ મળી આવી હતી. માત્ર 2025-26 દરમિયાન 1.73 કરોડ લોકોનું સ્ક્રીનિંગ કરવામાં આવ્યું, જેમાંથી 22.18 લાખ દર્દીઓમાં ડાયાબિટીસનું નિદાન થયું હતું. કુલ સ્ક્રીનિંગની તુલનામાં 12 ટકા દર્દીઓમાં આ બીમારી જોવા મળી, જે દેશના રાજ્યોમાં સૌથી વધુ ગણાય છે.

પુરુષો અને મહિલાઓ બંનેમાં ડાયાબિટીસ વધી

NFHS-5 રિપોર્ટ દર્શાવે છે કે ગુજરાતમાં 15 વર્ષથી ઉપરના 16 ટકા પુરુષો અને 14.8 ટકા મહિલાઓમાં બ્લડ શુગરનું સ્તર સામાન્યથી વધુ છે. આ આંકડાઓ બતાવે છે કે શહેરી વિસ્તારોમાં ડાયાબિટીસનું પ્રમાણ ગ્રામીણ વિસ્તાર કરતાં ઘણા ઊંચા સ્તરે છે. કેન્સરના મામલે વર્ષ 2024માં ઉત્તરપ્રદેશ પ્રથમ સ્થાને છે, જ્યારે ગુજરાત આઠમા ક્રમે છે, જે રાજ્યમાં વધતી આરોગ્ય સમસ્યાઓ અંગે ગંભીર ચિંતાનો વિષય છે.

વલસાડમાં વિશ્વ પર્યાવરણ દિવસની ઉજવણી: ભાજપ લઘુમતી મોરચા દ્વારા શાહ કે.એમ. હાઈસ્કૂલ ખાતે કરાયું વૃક્ષારોપણ

વિશ્વ પર્યાવરણ દિવસ: ગાયસાવર ગામે વન વિભાગ અને ગ્રામજનો દ્વારા ૨૦,૦૦૦ વૃક્ષોનું ભવ્ય વાવેતર