Crypto Market: ક્રિપ્ટો માર્કેટમાં રિકવરી, બિટકોઈનમાં 1 ટકાની વૃદ્ધિ અને XRPનો ભાવ 10% વધ્યો
Crypto Market: છેલ્લા કેટલાક દિવસોના ઘટાડા પછી, શુક્રવારે ક્રિપ્ટો માર્કેટમાં થોડી રિકવરી જોવા મળી. બજાર મૂલ્યની દ્રષ્ટિએ સૌથી મોટી ક્રિપ્ટોકરન્સી બિટકોઇનની કિંમતમાં લગભગ 1 ટકાનો વધારો થયો છે. અમેરિકામાં ફુગાવા અંગે વધતી ચિંતાઓની ક્રિપ્ટો બજાર પર નકારાત્મક અસર પડી છે, જોકે હવે તેમાં થોડો વધારો થયો છે.
Crypto Market: આ રિપોર્ટ પબ્લિશ થતાં સમયે, ઇન્ટરનેશનલ ક્રિપ્ટો એક્સચેન્જ Binance પર બિટકોઈનનો ભાવ લગભગ 97,020 ડૉલરથી વધુ પર હતો, જેમાં 1 ટકા વૃદ્ધિ થઈ હતી. બીજું સૌથી મોટું ક્રિપ્ટો Ether 1.30 ટકા વધી અને તેનું ભાવ 2,700 ડૉલરથી વધુ પર ટ્રેડ થઈ રહ્યું હતું. બીજી બાજુ, XRP નો ભાવ 12 ટકાથી વધુ વધીને લગભગ 2.75 ડૉલર પર પહોંચી ગયો.
જોકે, જે ક્રિપ્ટોકરન્સીમાં ઘટાડો થયો તેમાં ચેઇનલિંક, ટેથર, મોનેરો અને બીએનબીનો સમાવેશ થાય છે. ગયા દિવસમાં ક્રિપ્ટોનું કુલ બજાર મૂડીકરણ 0.20 ટકા ઘટીને લગભગ $3.22 ટ્રિલિયન થયું હતું.
બિટકોઈનમાં શોર્ટ-ટર્મમાં મંદીનો ટ્રેન્ડ
માર્કેટ એનાલિસ્ટ્સનું કહેવું છે કે બિટકોઈનમાં શોર્ટ-ટર્મમાં મંદીનો ટ્રેન્ડ જોવા મળી શકે છે. અમેરિકામાં ઇન્ફ્લેશનને લઈ વધતી ચિંતાઓ પણ તેની નકારાત્મક અસર પાડી રહી છે. અન્ય ક્રિપ્ટોકરન્સીની સરખામણીમાં ઈથરમાં વેપારીઓનો રસ ઓછો છે, અને બિટકોઈનની સરખામણીમાં ઈથરમાં નોંધપાત્ર ઘટાડો જોવા મળ્યો છે. હાલમાં, ઈથર માટે પ્રતિકાર $3,000 પર રચાયો છે.
ભારતમાં ક્રિપ્ટો પર કડક કાર્યવાહી
અમેરિકાના સિક્યોરિટીઝ એન્ડ એક્સચેન્જ કમિશન (SEC) એ ક્રિપ્ટો સેગમેન્ટ માટે રેગ્યુલેટરી ફ્રેમવર્ક તૈયાર કરવા માટે એક ટાસ્ક ફોર્સ બનાવવાનું સૂચન કર્યું છે. બીજી બાજુ, ભારત માં ક્રિપ્ટો કરન્સી પર સરકારનો દૃષ્ટિકોણ સખ્ત રહ્યો છે, અને રિઝર્વ બેંક ઓફ ઈન્ડિયા (RBI) તરફથી ક્રિપ્ટો પર બેન લગાવાની પણ માંગ કરવામાં આવી છે.
ByBit પર દંડ
દૂબઈની ક્રિપ્ટો એક્સચેન્જ ByBit એ જણાવ્યું હતું કે તેણે ભારતમાં 9 કરોડ રૂપિયાથી વધુનો દંડ ભર્યો છે. નિયમોનું પાલન ન કરવા બદલ ફાઇનાન્સિયલ ઇન્ટેલિજન્સ યુનિટ (FIU) દ્વારા આ દંડ ફટકારવામાં આવ્યો હતો. બાયબિટે FIU માં પણ નોંધણી કરાવી છે, જે દેશમાં ક્રિપ્ટો કંપનીઓ માટે ફરજિયાત છે.