ઝારખંડના ગઢવામાં એક બસ કાબુ ગુમાવતા ખીણમાં ખાબકી હતી, જેમાં એક મહિલા સહિત 7 લોકોના મોત નિપજ્યા છે. જ્યારે 40 થી વધુ લોકો ઘાયલ તયા છે.
મળતી માહિતી મુજબ, આ બસ છત્તીસગઢના અંબિકાપુરથી ગઢવા જઈ રહી હતી. આ બસમાં 59 લોકો સવાર હતા. પ્રત્યક્ષદર્શીઓ મુજબ બસની ઝડપ ઘણી વધુ હતી. આ દરમિયાન વળાંક આવતા ડ્રાઇવરે બસ પરથી નિયંત્રણ ગુમાવી દીધો જેના કારણે દુર્ઘટના બની.અકસ્માતનો ભોગ બનેલા મોટાભાગના લોકો અંબિકાપુરના રહેવાસી છે.
ઘટનાની જાણ થતાં જ ત્યાં એકત્ર થયેલા લોકો અને પોલીસે રેસ્ક્યૂ ઓપરેશન ચલાવીને ઘાયલોને બહાર કાઢ્યા. ત્યારબાદ તેમની નજીકની હોસ્પિટલોમાં સારવાર માટે દાખલ કરવામાં આવ્યા છે.