Pawandeep Rajan: ઇન્ડિયન આઇડલ 12 ના વિજેતા પવનદીપ રાજનને થયો ભયાનક માર્ગ અકસ્માત, હોસ્પિટલમાં દાખલ, ચાહકો કરી રહ્યા છે પ્રાર્થના
Pawandeep Rajan: ઇન્ડિયન આઇડલ ૧૨ ના વિજેતા અને લોકપ્રિય ગાયક પવનદીપ રાજન તાજેતરમાં એક ભયાનક માર્ગ અકસ્માતમાં ઘાયલ થયાના અહેવાલ છે. સોમવારે, બપોરે ૩:૪૦ વાગ્યાની આસપાસ, અમદાવાદ નજીક તેમની કારનો ગંભીર અકસ્માત થયો, જેમાં પવનદીપને હાથ અને પગમાં અનેક ગંભીર ઈજાઓ થઈ. હાલમાં તેમને હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે.
અકસ્માતમાં કારને ભારે નુકસાન થયું
અકસ્માત બાદ સામે આવેલા વીડિયોમાં જોઈ શકાય છે કે કારની હાલત ખૂબ જ ખરાબ છે અને તે સંપૂર્ણપણે ચકનાચૂર થઈ ગઈ છે. અહેવાલો અનુસાર, અકસ્માતનું કારણ ડ્રાઇવરની અચાનક સુસ્તી હોવાનું કહેવાય છે. આ અકસ્માતમાં પવનદીપની સાથે ડ્રાઇવરને પણ ગંભીર ઇજાઓ પહોંચી હતી. અકસ્માતની માહિતી મળતા જ પોલીસ તાત્કાલિક ઘટનાસ્થળે પહોંચી ગઈ અને બંનેને નજીકની હોસ્પિટલમાં દાખલ કરવામાં આવ્યા.
ચાહકો ચિંતિત છે, સોશિયલ મીડિયા પર પ્રાર્થનાઓનો
પવનદીપના અકસ્માતના સમાચાર મળતા જ સોશિયલ મીડિયા પર તેના ચાહકો અને પ્રશંસકોમાં ચિંતાનું મોજુ ફરી વળ્યું. લોકો તેમના જલ્દી સ્વસ્થ થવા માટે પ્રાર્થના કરી રહ્યા છે. પવનદીપની સ્થિતિ અંગે સત્તાવાર મેડિકલ બુલેટિનની રાહ જોવાઈ રહી છે.
View this post on Instagram
પવનદીપ રાજન કોણ છે?
પવનદીપ રાજન ઉત્તરાખંડના ચંપાવત જિલ્લાના છે અને તેમનો સંગીત સાથે ઊંડો સંબંધ છે. તેમના માતાપિતા અને બહેન કુમાઓની લોક સંગીત સાથે સંકળાયેલા કલાકારો છે. તેમણે 2015 માં ‘ધ વોઈસ ઓફ ઈન્ડિયા’ જીતીને ઈન્ડસ્ટ્રીમાં પ્રવેશ કર્યો અને બાદમાં ઈન્ડિયન આઈડોલ 12 નો ખિતાબ જીત્યો. શોના વિજેતા બનવા બદલ પવનદીપને ટ્રોફી, નવી કાર અને ₹ 25 લાખની ઈનામી રકમ મળી.
