Pakistan: ભારતના ‘ઓપરેશન સિંદૂર’થી ગભરાયેલા પાકિસ્તાને લાહોર અને ઇસ્લામાબાદના હવાઈ ક્ષેત્રમાં મૂક્યો પ્રતિબંધ
Pakistan: ભારતના ઓપરેશન સિંદૂર પછી પાકિસ્તાનમાં ગભરાટનો માહોલ છે. પાકિસ્તાન અને પાકિસ્તાન અધિકૃત કાશ્મીર (POK) માં આતંકવાદી ઠેકાણાઓ પર ભારતીય સેના દ્વારા કરવામાં આવેલા હુમલાઓ બાદ, પાકિસ્તાન સરકારે તેની સુરક્ષાને લઈને એક મોટું પગલું ભર્યું છે. હવે પાકિસ્તાને લાહોર અને ઇસ્લામાબાદ એરપોર્ટ પર તમામ કોમર્શિયલ ફ્લાઇટ્સ માટે એરસ્પેસ બંધ કરી દીધું છે.
પાકિસ્તાન એરપોર્ટ ઓથોરિટીનું નિવેદન:
પાકિસ્તાન એરપોર્ટ ઓથોરિટી (PAA) એ બુધવારે રાત્રે એક નિવેદન જારી કરીને કહ્યું કે લાહોર અને ઇસ્લામાબાદ એરપોર્ટ પરના એરસ્પેસને તમામ કોમર્શિયલ ફ્લાઇટ્સ માટે બંધ કરી દેવામાં આવ્યા છે. જોકે, કરાચી એરપોર્ટથી ફ્લાઇટ્સ ચાલુ રહે છે.
પાકિસ્તાનની ICAO ને ચેતવણી:
પાકિસ્તાન એરપોર્ટ ઓથોરિટીએ જણાવ્યું હતું કે તેણે આંતરરાષ્ટ્રીય નાગરિક ઉડ્ડયન સંગઠન (ICAO) ને ભારતના પગલાંથી નાગરિક ઉડ્ડયન સલામતી માટે ગંભીર ખતરો હોવાની ઔપચારિક માહિતી આપી છે.
ભારતનો પ્રતિભાવ:
ભારતે પહેલગામમાં થયેલા આતંકવાદી હુમલાનો જવાબ ઓપરેશન સિંદૂર હેઠળ પાકિસ્તાનમાં આતંકવાદી ઠેકાણાઓને નિશાન બનાવીને આપ્યો. આ કાર્યવાહી બાદ, પાકિસ્તાને હવાઈ ક્ષેત્ર પર પ્રતિબંધો લાદીને સુરક્ષા ચિંતાઓ વ્યક્ત કરી છે.
