Maldives: ભારતે માલદીવને આપ્યા 50 મિલિયન ડોલર, મુઇઝુ સરકારની વિનંતી પર નાણાકીય સહાય મળી
Maldives: ભારતે તેના મુખ્ય દરિયાઈ પાડોશી માલદીવને 50 મિલિયન યુએસ ડોલરની નાણાકીય સહાય પૂરી પાડી છે. માલદીવ સરકારની વિનંતી પર આ સહાય પૂરી પાડવામાં આવી હતી, જેનો ઉદ્દેશ્ય દેશની આર્થિક સ્થિતિને સ્થિર કરવા અને કટોકટીની નાણાકીય જરૂરિયાતોને પૂર્ણ કરવાનો હતો.
ટ્રેઝરી બિલ્સના રોલઓવર દ્વારા સહાય
ભારત તરફથી આ સહાય $50 મિલિયનના ટ્રેઝરી બિલના રોલઓવર દ્વારા આપવામાં આવી છે. માલદીવના નાણા મંત્રાલય દ્વારા જારી કરાયેલા આ ટ્રેઝરી બિલ્સમાં સ્ટેટ બેંક ઓફ ઈન્ડિયાએ એક વર્ષના સમયગાળા માટે સબ્સ્ક્રાઇબ કર્યું છે. આ સહાય ભારત અને માલદીવ વચ્ચેના ગાઢ વ્યૂહાત્મક અને આર્થિક સંબંધોને પ્રતિબિંબિત કરે છે.
માલદીવે આભાર વ્યક્ત કર્યો
માલદીવના વિદેશ મંત્રી અબ્દુલ્લા ખલીલે આ સહાય માટે ભારત સરકારની હૃદયપૂર્વક પ્રશંસા કરી. તેણે કીધુ:
“હું વિદેશ મંત્રી ડૉ. એસ. જયશંકર અને ભારત સરકારનો $50 મિલિયનની સમયસર સહાય માટે આભાર માનું છું. આ ભારત અને માલદીવ વચ્ચેની મજબૂત મિત્રતાનો પુરાવો છે અને આપણી સરકારના આર્થિક સુધારાઓને મજબૂત બનાવશે.”
ભારતનું નિવેદન: ‘પડોશી પ્રથમ’ નીતિ હેઠળ મહત્વપૂર્ણ ભાગીદાર
માલે સ્થિત ભારતીય હાઈ કમિશને એક નિવેદન જારી કરીને કહ્યું કે માલદીવ ભારતની ‘પડોશી પ્રથમ’ નીતિ હેઠળ એક મહત્વપૂર્ણ ભાગીદાર છે. આ સહાય સરકાર-થી-સરકાર સ્તરે પૂરી પાડવામાં આવે છે અને તેનો ઉદ્દેશ્ય માલદીવને તેની કટોકટીની નાણાકીય જરૂરિયાતોને પહોંચી વળવામાં મદદ કરવાનો છે.
India extends financial support to the Maldives through the rollover of the USD 50 million Treasury Bill.
Maldives Foreign Affairs Minister Abdulla Khaleel tweets, "I express my sincere gratitude to EAM Dr S Jaishankar and the Government of India for extending crucial financial… https://t.co/N54JAGC5uD pic.twitter.com/HmKybfFomk
— ANI (@ANI) May 12, 2025
ભારત-માલદીવ સંબંધોની પૃષ્ઠભૂમિ
તાજેતરમાં, માલેમાં રાષ્ટ્રપતિ મોહમ્મદ મુઇઝ્ઝુ સત્તામાં આવ્યા અને ચીન તરફ પોતાનો ઝુકાવ દર્શાવ્યો ત્યારે ભારત-માલદીવ સંબંધોમાં થોડી કડવાશ આવી હતી. આમ છતાં, ભારતે તેના સંબંધોમાં સંતુલન જાળવી રાખીને આર્થિક સહાય પૂરી પાડવાનો નિર્ણય લીધો, જે પ્રાદેશિક સ્થિરતા પ્રત્યેની તેની પ્રતિબદ્ધતા દર્શાવે છે.
