WTC Prize Money: વર્લ્ડ ટેસ્ટ ચેમ્પિયનશિપ 2023-25 માટે બમ્પર ઈનામ, ICCનું મોટું એલાન
WTC Prize Money: ICC એ ફાઇનલ પહેલા વર્લ્ડ ટેસ્ટ ચેમ્પિયનશિપ (WTC) 2023-25 માટે ઇનામી રકમની જાહેરાત કરી છે. આ વખતે ઇનામની રકમમાં ઘણો વધારો કરવામાં આવ્યો છે. WTC 2025 માટે કુલ ઈનામની રકમ US$5.76 મિલિયન (આશરે રૂ. 49.22 કરોડ) નક્કી કરવામાં આવી છે, જે પાછલી બે આવૃત્તિઓ કરતા બમણાથી વધુ છે.
WTC Prize Money: હવે જે પણ ટીમ ટાઇટલ જીતશે તેને US$3.6 મિલિયન (લગભગ 30.78 કરોડ રૂપિયા) મળશે. બીજા ક્રમે આવનારને US$2.16 મિલિયન (લગભગ રૂ. 18.46 કરોડ) આપવામાં આવશે. અગાઉ, 2021 અને 2023 માં, વિજેતા ટીમને ફક્ત $1.6 મિલિયન મળવાના હતા.
WTC ફાઇનલ 2025: 11 થી 15 જૂન સુધી લોર્ડ્સ મેદાન પર સાઉથ આફ્રિકા અને ઓસ્ટ્રેલિયા વચ્ચે ટક્કર
WTC 2023-25 ની ફાઇનલ 11 જૂનથી 15 જૂન દરમિયાન ઐતિહાસિક લોર્ડ્સ ક્રિકેટ ગ્રાઉન્ડ પર રમાશે. આ મેચના પ્રચાર માટે ICC એ એક પ્રમોશનલ વીડિયો પણ બહાર પાડ્યો છે. તેમાં દક્ષિણ આફ્રિકાના કેપ્ટન ટેમ્બા બાવુમા, ઝડપી બોલર કાગીસો રબાડા, એડન માર્કરામ, ઓસ્ટ્રેલિયાના સ્ટીવ સ્મિથ, ટ્રેવિસ હેડ અને દિગ્ગજ ભૂતપૂર્વ ક્રિકેટરો શોન પોલોક, ડેલ સ્ટેન, મેથ્યુ હેડન, મેલ જોન્સ, નાસિર હુસૈન, શોએબ અખ્તર અને રવિ શાસ્ત્રીનો સમાવેશ થાય છે.
2023 WTC Final Prize money:
Winner – 13.23cr.
Runners Up – 6.61cr.2025 WTC Final Prize money:
Winner – 30.78cr.
Runners Up – 18.46cr.SUPERB WORK FROM JAY SHAH LED ICC TO PRIORITISE TEST CRICKET…!!! pic.twitter.com/LhRFswq2z1
— Mufaddal Vohra (@mufaddal_vohra) May 15, 2025
WTC પોઈન્ટ ટેબલ: દક્ષિણ આફ્રિકા ટોચ પર, ઓસ્ટ્રેલિયા બીજા સ્થાને
દક્ષિણ આફ્રિકાની ટીમ WTC 2023-25 ના પોઈન્ટ ટેબલમાં ટોચ પર રહી. તેમણે પાકિસ્તાન, વેસ્ટ ઈન્ડિઝ, બાંગ્લાદેશ અને શ્રીલંકા સામે શ્રેણી જીતી હતી અને ભારત સામેની ઘરઆંગણે શ્રેણી ડ્રો કરી હતી.
ઓસ્ટ્રેલિયાએ બોર્ડર-ગાવસ્કર ટ્રોફીમાં ભારતને 3-1થી હરાવ્યું, પાકિસ્તાનને તેના ઘરઆંગણે 3-0થી હરાવ્યું અને ન્યૂઝીલેન્ડ અને શ્રીલંકા સામે પણ જીત મેળવીને ફાઇનલમાં સ્થાન મેળવ્યું.