Diploma Courses: 12મા ધોરણ બાદ 5 ટોચના ડિપ્લોમા કોર્સ, નોકરી માટે શ્રેષ્ઠ વિકલ્પ
Diploma Courses: જો તમે ધોરણ ૧૨ પછી એવો કોર્ષ શોધી રહ્યા છો, જે કર્યા પછી તમને ઝડપથી નોકરી મળી શકે, તો આ ટોચના ૫ ડિપ્લોમા કોર્ષ તમારા માટે એક શ્રેષ્ઠ વિકલ્પ બની શકે છે. આ અભ્યાસક્રમો કર્યા પછી તમને તાત્કાલિક રોજગારની તકો મળી શકે છે અને તમે સારી કમાણી શરૂ કરી શકો છો. ચાલો ૧૨મા ધોરણ પછી કરવા માટેના આ શ્રેષ્ઠ ડિપ્લોમા અભ્યાસક્રમો વિશે જાણીએ:
1. ડિપ્લોમા ઇન ડિજિટલ માર્કેટિંગ
ડિજિટલ યુગમાં, ડિજિટલ માર્કેટિંગની માંગ ઝડપથી વધી રહી છે. આ કોર્ષમાં, SEO, સોશિયલ મીડિયા માર્કેટિંગ, કન્ટેન્ટ ક્રિએશન અને ગુગલ એડ્સ જેવા મહત્વપૂર્ણ કૌશલ્યો શીખવવામાં આવે છે. આ કોર્ષનો સમયગાળો ૬ મહિનાથી ૧ વર્ષનો છે. આ કોર્સ પછી તમે ફ્રીલાન્સિંગ, નોકરી અથવા તમારી પોતાની ડિજિટલ એજન્સી પણ શરૂ કરી શકો છો. શરૂઆતમાં તમને 20,000 થી 40,000 રૂપિયા સુધીનો પગાર મળી શકે છે.
2. ડિપ્લોમા ઇન વેબ ડિઝાઇનિંગ
આજના સમયમાં વેબસાઇટ બનાવવી એ એક મહત્વપૂર્ણ કૌશલ્ય બની ગયું છે. આ કોર્ષમાં, HTML, CSS, JavaScript અને WordPress જેવા ટૂલ્સ પર તાલીમ આપવામાં આવે છે. તેનો સમયગાળો 6 મહિનાથી 1 વર્ષનો છે. વેબ ડિઝાઇનર્સની માંગ દરેક પ્રકારના વ્યવસાયમાં છે, પછી ભલે તે સ્ટાર્ટઅપ હોય કે મોટી કંપનીઓ.
3. ડિપ્લોમા ઇન ફોટોગ્રાફી અથવા વિડીયોગ્રાફી
જો તમને ફોટોગ્રાફી કે વિડીયોગ્રાફીમાં રસ છે, તો આ કોર્ષ તમારા માટે એક શ્રેષ્ઠ કારકિર્દી વિકલ્પ બની શકે છે. આ કોર્ષમાં કેમેરા હેન્ડલિંગ, એડિટિંગ અને લાઇટિંગ જેવા મહત્વના પાસાઓ પર તાલીમ આપવામાં આવે છે. લગ્ન, કાર્યક્રમો, યુટ્યુબ ચેનલો અને ફિલ્મોમાં આ ક્ષેત્રમાં ઘણી તકો છે.
4. ડિપ્લોમા ઇન હોટલ મેનજમેન્ટ
પ્રવાસન અને આતિથ્ય ક્ષેત્રમાં કારકિર્દી બનાવવા માંગતા વિદ્યાર્થીઓ માટે હોટેલ મેનેજમેન્ટ એક ઉત્તમ વિકલ્પ છે. આ કોર્ષ ૧ થી ૩ વર્ષનો છે અને તેમાં ફૂડ પ્રોડક્શન, હાઉસકીપિંગ, ફ્રન્ટ ઓફિસ જેવા વિષયો પર તાલીમ આપવામાં આવે છે. હોટેલ મેનેજમેન્ટની માંગ ફક્ત ભારતમાં જ નહીં પરંતુ વિદેશમાં પણ છે.
5. ડિપ્લોમા ઇન કમ્પ્યુટર એપ્લિકેશન (DCA)
કોમ્પ્યુટર એપ્લિકેશન્સમાં આ ડિપ્લોમા કોર્સ મૂળભૂતથી અદ્યતન કોમ્પ્યુટર કૌશલ્યો પર ધ્યાન કેન્દ્રિત કરે છે. તેમાં એમએસ ઓફિસ, ઇન્ટરનેટ, ડેટા એન્ટ્રી અને બેઝિક પ્રોગ્રામિંગ જેવા વિષયો શામેલ છે. આ કોર્ષ સરકારી અને ખાનગી સંસ્થાઓ, બેંકો અને ઓફિસોમાં કામ કરવા માટે યોગ્ય છે.
આ ડિપ્લોમા કોર્ષ કરીને, તમે માત્ર સારી રોજગારીની તકો જ નહીં મેળવી શકો પણ તમારી આવક પણ વધારી શકો છો.