Israel-Iran War: ઈઝરાયલ-ઈરાન તણાવ તીવ્ર, મોસાદના મુખ્યાલય પર હુમલાનો ઈરાનનો દાવો, વીડિયો થયો જાહેર
Israel-Iran War: ઈઝરાયલ અને ઈરાન વચ્ચે વધતા યુદ્ધસમાન તણાવ વચ્ચે ઈરાન તરફથી એક મોટો દાવો સામે આવ્યો છે. ઈરાનના સરકારી સમર્થન ધરાવતા મીડિયા પ્લેટફોર્મ “ઈરાન ઓબ્ઝર્વર”એ દાવો કર્યો છે કે ઈરાની સેનાએ ઇઝરાયલની ગુપ્તચર એજન્સી મોસાદના મુખ્યાલય પર મિસાઈલ હુમલો કર્યો છે.
વિડિયો જાહેર:
ઈરાન ઓબ્ઝર્વરે તેના સત્તાવાર X (અગાઉનું Twitter) અકાઉન્ટ પરથી એક વીડિયો પોસ્ટ કર્યો છે, જેમાં ઘણી ઇમારતોમાંથી ઘાટો કાળો ધુમાડો ઉઠતો દેખાય છે. આ વીડિયો સાથે એવો દાવો પણ કરવામાં આવ્યો છે કે આ ઇમારતો મોસાદના મુખ્યાલય વિસ્તારમાં આવેલી છે.
A CLEAR FOOTAGE OF STRIKES ON ISRAELI INTELLIGENCE AGENCY ASSETS pic.twitter.com/pbZMGppGEK
— Iran Observer (@IranObserver0) June 17, 2025
ઈઝરાયલ તરફથી કોઈ સત્તાવાર પુષ્ટિ નથી
હાલ સુધી ઈઝરાયલ તરફથી આ દાવાની કોઈ સત્તાવાર પુષ્ટિ કરવામાં આવી નથી. મોસાદ અથવા ઈઝરાયલ સરકાર તરફથી પણ કોઈ પ્રતિસાદ આપવામાં આવ્યો નથી. તો બીજી તરફ, ઈરાનના મીડિયા દ્વારા આ ઘટનાને “ઈઝરાયલ પર સીધો જવાબ” તરીકે રજૂ કરવામાં આવી રહી છે.
યુદ્ધના દાવપેચ વધી રહ્યા છે
આ પહેલા, ઈઝરાયલની સેનાએ દાવો કર્યો હતો કે તેણે ઈરાનના ઉચ્ચ સેનાધ્યક્ષોને લક્ષ્યાંક બનાવીને હુમલો કર્યો છે. આ દાવા પછી બંને દેશો વચ્ચે તણાવ નવા શિખરે પહોંચી ગયો છે.
વિશ્વસમુદાય ચિંતિત
વિશ્વભરના નેતાઓ અને સંગઠનોએ બંને દેશોને શાંતિ સ્થાપિત કરવા અપીલ કરી છે. આંતરરાષ્ટ્રીય સ્તરે, યુક્રેન-રશિયા યુદ્ધ પછી આ સંભવિત તણાવ એક નવી વૈશ્વિક ચિંતા બની ગયો છે.
