PM Modi G7 2025: PM મોદીની G7 સંમેલનમાં આતંકવાદ સમર્થકો માટે કડક ચેતવણી

PM Modi G7 2025: PM મોદીનું G7માં આતંકવાદ પર કડક વલણ: “આતંકને સમર્થન આપનારાઓને ચુકવણી કરવી પડશે”

PM Modi G7 2025: વિશ્વના સૌથી શક્તિશાળી વિકાસશીલ દેશોની સમિટ G7માં ભારતના વડાપ્રધાન નરેન્દ્ર મોદીએ આતંકવાદ સામે પોતાનું કડક વલણ ફરી એકવાર વ્યક્ત કર્યું. તેમણે સ્પષ્ટ સંદેશ આપ્યો કે જે દેશો આતંકવાદને પ્રોત્સાહન આપે છે અથવા તેને ખુલ્લેઆમ ટેકો આપે છે, તેઓએ તેની ભારે કિંમત ચૂકવવી પડશે.

મોદીએ જણાવ્યું કે આંતરરાષ્ટ્રીય સમુદાય માટે હવે સમય આવી ગયો છે કે જ્યાં આતંકવાદ વિરુદ્ધની કાર્યવાહી આપવીત રીતે મજબૂત બનાવવી જરૂરી છે. વડાપ્રધાને કોઈ દેશનું નામ લીધા વગર જણાવ્યું કે કેટલાક દેશો આતંકવાદીઓને પડદાની પાછળથી ટેકો આપે છે અને તેમની સરાહના પણ કરે છે, જે વૈશ્વિક શાંતિ માટે ગંભીર પડકાર છે.

પહેલગામ હુમલાની વાત અને પાકિસ્તાન પર નિશાન:

મોદીનું આ નિવેદન એ સમયે આવ્યું છે જ્યારે જમ્મુ-કાશ્મીરના પહેલગામમાં તાજેતરમાં થયેલા ભયાનક આતંકી હુમલામાં 26 લોકોના મોત થયા છે. આ હુમલાના પગલે ભારતે ‘ઓપરેશન સિંદૂર’ શરૂ કર્યું છે અને પાકિસ્તાન કબ્જાવાળા કાશ્મીર સ્થિત આતંકી ઠેકાણાઓ પર ચોક્કસ હવાઈ હુમલાઓ કર્યા છે.

ગ્લોબલ સાઉથનો અવાજ:

મોદીએ G7 સમિટ દરમિયાન વૈશ્વિક દક્ષિણ (Global South) દેશોની ચિંતાઓ અને જરૂરિયાતો અંગે પણ સ્પષ્ટતાથી અવાજ ઉઠાવ્યો. તેમણે જણાવ્યું કે ભારત પોતાને આ દેશોની વ્યથા વિશ્વમંચે પહોંચાડવાનો એક પુલ માને છે અને વિકાસ માટે સમાવિષ્ટ દ્રષ્ટિકોણને અનુસરે છે. તેમણે ઊર્જા સુરક્ષા, ટકાઉ વિકાસ અને આંતરરાષ્ટ્રીય સહકારના મુદ્દાઓ પર પણ ભાર મૂક્યો.

એઆઈ, ડીપફેક અને ટેકનોલોજી સંબંધિત ચિંતાઓ:

પીએમ મોદીએ એઆઈ (AI) અંગેની વધતી ચિંતાઓ પણ G7 નેતાઓ સમક્ષ રજુ કરી. તેમણે ખાસ કરીને ‘ડીપફેક’ ટેકનોલોજીનો ઉલ્લેખ કરતાં કહ્યું કે આ પ્રકારની ભ્રામક માહિતી અને વિડિયોમાં સ્પષ્ટ સંકેત હોવો આવશ્યક છે કે તે કૃત્રીમ રીતે બનાવવામાં આવી છે. તેમણે કહ્યું કે ટેકનોલોજી માટે ઊર્જાની જરૂરિયાત વધી રહી છે અને નવિન ઊર્જા સ્ત્રોતો જ આ જરૂરિયાત પૂરી કરી શકે છે.

ભારતનો મેસેજ સ્પષ્ટ: શાંતિ, ટેકનોલોજી અને જવાબદારી

મોદીના ભાષણમાં ભારતના ત્રણ મુખ્ય સંદેશો સ્પષ્ટ હતા:

• આતંકવાદ સામે શૂન્ય સહનશીલતા અને જવાબદારી નિર્ધારણ
• વૈશ્વિક દક્ષિણના દેશોના હિતમાં વિકાસ અને ટેકનોલોજીનું લોકશાહીકરણ
• કૃત્રિમ બુદ્ધિ, ઊર્જા અને ટેકનોલોજી ક્ષેત્રે માનવ કેન્દ્રિત અભિગમ

G7 વિશે સંક્ષિપ્ત માહિતી:

G7 એટલે વિશ્વના 7 સૌથી વિકસિત અર્થતંત્રોનું જૂથ: અમેરિકા, યુકે, ફ્રાન્સ, જર્મની, ઇટાલી, જાપાન, કેનેડા – સાથે યુરોપિયન યુનિયન પણ સામેલ છે. ભારત છેલ્લા અનેક વર્ષોથી G7 સમિટમાં આમંત્રિત દેશ તરીકે ભાગ લે છે.