Bangladesh: IMF પછી, હવે એશિયન ડેવલપમેન્ટ બેંક અને વિશ્વ બેંક બાંગ્લાદેશને 1.5 અબજ ડોલરની લોન આપશે
Bangladeshને IMF તરફથી 762 મિલિયન ડોલરની મદદ મળ્યા બાદ હવે એશિયન ડેવલપમેન્ટ બેંક (ADB) અને વિશ્વ બેંકે બાંગ્લાદેશ માટે 1.5 અબજ ડોલરની લોન મંજૂર કરી છે. આ લોન બેંકિંગ ક્ષેત્રમાં સુધારા, આબોહવા પરિવર્તનનો સામનો કરવા અને ઉર્જા ક્ષેત્રના વિકાસ માટે ઉપયોગમાં આવશે.
લોનની વિગત:
- ADB 900 મિલિયન ડોલર
- વિશ્વ બેંક 640 મિલિયન ડોલર
ADB દ્વારા મળેલી રકમમાંથી 500 મિલિયન ડોલર બેંકિંગ સિસ્ટમ મજબૂત કરવા માટે અને 400 મિલિયન ડોલર આબોહવા પરિવર્તનનો સામનો કરવા માટે ફાળવાશે.
વિશ્વ બેંક તરફથી મળેલી 640 મિલિયન ડોલરથી શહેરોમાં વાયુ પ્રદૂષણ ઘટાડવા અને ગેસ સપ્લાયમાં સુધારા લાવવાના પ્રોજેક્ટ્સ માટે ખર્ચાશે.
બાંગ્લાદેશની બેંકિંગ સિસ્ટમ સામે પડકારો:
બાંગ્લાદેશની બેંકિંગ સિસ્ટમમાં તરલતાની કમી છે, જેના કારણે સરકારની જવાબદારીઓ માટે પૂરતી રોકડ નથી. સાથે જ, મની લોન્ડરિંગ, સાયબર હુમલાઓ અને નોન-પરફોર્મિંગ લોન (NPL) વધતા જઈ રહ્યા છે. 2025 ના પ્રથમ ત્રિમાસિકમાં NPL 74,570 કરોડ રૂપિયાને પહોંચ્યાં છે.
આ લોનથી બેંકિંગ સિસ્ટમ મજબૂત થશે, ન્યૂનતમ વ્યાજ દર પર લોન આપવામાં મદદ મળશે અને નાના-મધ્યમ ઉદ્યોગો માટે સરળતા વધશે.
આબોહવા પરિવર્તન અને ઉર્જા:
આબોહવા પરિવર્તન સામે લડવા માટે 400 મિલિયન ડોલરની મદદ મળશે. વીજળીની વધતી માંગ અને ગેસ કટોકટીને ધ્યાનમાં રાખી વિશ્વ બેંક ગેસ સપ્લાય અને પ્રદૂષણ નિયંત્રણ પ્રોજેક્ટ્સ માટે નાણાં ફાળવશે. આ પ્રોજેક્ટ્સ બાંગ્લાદેશના આર્થિક વિકાસ અને રોજગારી વધારવામાં મદદ કરશે.
