Iran: ઈરાનમાં મોસાદ સાથે જોડાણના આરોપસર દરરોજ ફાંસીની ઘટનાઓ, 2 મહીનામાં 300થી વધુને મૃત્યુદંડ
Iran: ઈરાનમાં વિદેશી જાસૂસીના આરોપોમાં ઝડપાયેલા લોકો સામે કાર્યવાહી સતત વધુ તીવ્ર બની રહી છે. તાજેતરમાં રાજધાની તેહરાનમાંથી મળેલી માહિતી અનુસાર, ઈરાનમાં દરરોજ સરેરાશ પાંચ લોકોને મોસાદ માટે જાસૂસી કરવાનો આરોપ મૂકીને મૃત્યુદંડની સજા આપવામાં આવી રહી છે. છેલ્લાં બે મહિનામાં 300થી વધુ લોકોને ફાંસી આપવામાં આવી હોવાનું માનવાધિકાર સંગઠનો જણાવી રહ્યા છે.
Iran: બુધવારે જ ઈરાને ત્રણ આરોપીઓને ફાંસી આપી હતી, જેમણે ઈઝરાયલની ગુપ્તચર એજન્સી મોસાદ માટે કામ કર્યું હોવાનું જણાવાયું છે. રાજ્ય સમાચાર એજન્સી મીઝાન અનુસાર, આ ત્રણે આરોપીઓએ દેશના અંદર સંવેદનશીલ માહિતી એકઠી કરીને ઈઝરાયલ સુધી પહોંચાડવાનું કાવતરું રચ્યું હતું અને હથિયાર જેવી સંવેદનશીલ સામગ્રી દેશના અંદર દાણચોરીથી લાવવાનો આરોપ પણ મુકાયો છે.
ટ્રમ્પની શાંતિની અપીલ પછી ફાંસીની કડાકા નીતિ
આ કાર્યવાહી અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ દ્વારા ઈરાન અને ઈઝરાયલ વચ્ચે યુદ્ધવિરામ જાહેર થયા પછી આવી છે, જેના એક દિવસ પછી જ ત્રણ આરોપીઓને ફાંસી આપવામાં આવી. ટ્રમ્પે કહ્યું હતું કે બંને દેશો હમલા રોકવા માટે સહમતી પર પહોંચ્યા છે. જોકે ઈરાનની અંદરની સ્થિતી પરથી એવું સ્પષ્ટ થાય છે કે તણાવ હજી પણ યથાવત છે.
મોસાદના ‘સાયબર ચીફ’ને પણ ફાંસી
સોમવારે, ઈરાને મોહમ્મદ અમીન શાયસ્તેહ નામના રાજકીય કેદીને પણ મૃત્યુદંડની સજા ફટકારી હતી. તેના પર મોસાદ સાયબર નેટવર્ક ચલાવવાનો આરોપ હતો. શાયસ્તેહ પર ઇસ્લામિક મૂલ્યોનું અપમાન કરવાનો અને દેશદ્રોહ માટે વિદેશી એજન્સી સાથે સાંઠગાંઠ કરવાનો પણ આરોપ હતો.
વિશ્વવ્યાપી ચિંતાઓ: માનવાધિકાર જૂથોનો આક્ષેપ
માનવાધિકાર સંગઠનોનું કહેવું છે કે 2024માં અત્યાર સુધીમાં ઈરાનમાં કુલ 900થી વધુ લોકોને ફાંસી આપવામાં આવી છે, જેમાંથી મોટાભાગના આરોપીઓ પર રાજદ્રોહ, સામાજિક અસ્થિરતા ઉભી કરવાનો પ્રયાસ અને વિદેશી એજન્સીઓ સાથે જોડાણના આરોપો છે. આ દંડ વિધિમાં યોગ્ય ન્યાયપ્રક્રિયા અંગે પણ અનેક પ્રશ્ર્નો ઉઠાવવામાં આવી રહ્યા છે.
અંતે શું ઇરાદો છે?
13 જૂને ઈઝરાયલ દ્વારા ઈરાનના અમુક વ્યૂહાત્મક સ્થળો પર કરવામાં આવેલા હુમલાના જવાબમાં ઈરાને આ પ્રકારની અંદરખાતી કામગીરી વધુ ઝડપથી આગળ ધપાવી છે. દેશની અંદર સુરક્ષા એજન્સીઓ સતત મોસાદ અથવા અન્ય વિદેશી ગુપ્તચર એજન્સી સાથે સંકળાયેલા લોકોની ધરપકડ કરી રહી છે.
વિશ્લેષકો માને છે કે આ કડક પગલાં ઈરાનની આંતરિક સુરક્ષા સુનિશ્ચિત કરવાના હેતુથી લેવામાં આવ્યા છે, પરંતુ તે આંતરરાષ્ટ્રીય સ્તરે માનવ અધિકારોના મુદ્દા પર ગંભીર વિવાદ ઊભો કરી શકે છે.
