Pakistan: પાકિસ્તાની પરમાણુ મિસાઇલનો ખતરો: ભારત પછી હવે અમેરિકા નિશાને?
Pakistan: ભારતના તાજેતરના “ઓપરેશન સિંદૂર” પછી, પાકિસ્તાન તેના પરમાણુ કાર્યક્રમને વધુ સક્રિય બનાવી રહ્યું છે. તાજેતરના રિપોર્ટ મુજબ, પાકિસ્તાન લાંબા અંતરની ઇન્ટરકોન્ટિનેન્ટલ બેલિસ્ટિક મિસાઇલ (ICBM) વિકસાવવાની પ્રક્રિયામાં છે, જે પરમાણુ શસ્ત્રો વહન કરવા માટે સક્ષમ હશે. જો આ દાવો સાચો સાબિત થાય છે, તો પાકિસ્તાન આગામી સમયગાળામાં એવા દેશોની યાદીમાં શામેલ થઈ શકે છે, જેમણે અમેરિકા સુધી પહોંચી શકે તેવી પરમાણુ ક્ષમતા ધરાવતી મિસાઈલો વિકસાવી છે.
મિસાઇલની શક્યતા અને રેન્જ
પરમાણુ નિષ્ણાત વિપિન નારંગ અને પ્રણય વાદી દ્વારા “ફોરેન અફેર્સ”માં પ્રસિદ્ધ થયેલા રિપોર્ટ અનુસાર, યુએસ ઇન્ટેલિજન્સ એજન્સીઓએ જાણવા મળ્યું છે કે પાકિસ્તાન 5500 કિલોમીટરથી વધુ રેન્જ ધરાવતી મિસાઇલ બનાવી રહ્યું છે. આવા શ્રેણીની મિસાઈલ માત્ર ભારત નહીં, પણ યુરોપ અને અમેરિકાના કેટલાક ભાગોને પણ નિશાન બનાવી શકે છે.
પાકિસ્તાન પાસે હાલમાં શાહીન-III જેવી મિસાઈલ છે, જે 2700 કિલોમીટરની રેન્જ ધરાવે છે અને ભારતમાં લગભગ કોઈપણ સ્થળને નિશાન બનાવી શકે છે. નવા ICBMના વિકાસ સાથે પાકિસ્તાનની પરમાણુ દહેશતક્ષમતા નવી સપાટીએ પહોંચી શકે છે.
અમેરિકાની પ્રતિક્રિયા શું હોઈ શકે?
અमेरિકન ગુપ્તચર એજન્સીઓએ ચેતવણી આપી છે કે જો પાકિસ્તાન ICBM વિકસાવે છે અને તે મિસાઈલ અમેરિકાને નિશાન બનાવી શકે છે, તો તે તાત્કાલિક ભવિષ્યમાં શત્રુ દેશ તરીકે જોવામાં આવી શકે છે. હાલમાં ચીન, રશિયા અને ઉત્તર કોરિયા જેવી તાકાતો માટે અમેરિકાએ આવી રણનીતિ અપનાવી છે.
જો પાકિસ્તાનનો દાવો કે તેનું પરમાણુ કાર્યક્રમ માત્ર ભારત સામે છે, સાચો હોય, તો પણ ICBM જેવી ક્ષમતાઓનો ઉપયોગ ભારતીય હદોમાં રહેતો નથી. આવા હથિયારોથી વિશ્વશાંતિ માટે ગંભીર જોખમ ઉભું થઈ શકે છે.
In their article on the contemporary nuclear threat, @NarangVipin & @pranayrvaddi have new language on Pakistani long-range missile efforts: “US intelligence agencies have concluded that the Pakistani military is developing an ICBM that could reach the continental US.” pic.twitter.com/tdgCmXc1X1
— Christopher Clary (@clary_co) June 24, 2025
વિશ્વભરના માટે એક ચેતવણી
પાકિસ્તાનનો ICBM કાર્યક્રમ, જો યથાર્થ સાબિત થાય, તો માત્ર દક્ષિણ એશિયા માટે નહીં પરંતુ વૈશ્વિક સુરક્ષા માટે પણ ગંભીર પડકાર ઉભો કરી શકે છે. ICBM જેવી ટેકનોલોજીનો વિકાસ અને ઉપયોગ ખાસ કરીને એવા દેશો દ્વારા, જ્યાં આંતરિક રાજકીય અસ્થિરતા છે, તે વિશ્વ સમુદાય માટે મોટી ચિંતાનો વિષય છે.
