Missing B-2 bomber: ઈરાન પર હુમલા માટે ગયેલું B-2 બોમ્બર ગાયબ! શું ચાલે છે ગુપ્ત મિશન?
Missing B-2 bomber: મધ્ય પૂર્વમાં તણાવના ઘમાસાણ વચ્ચે એક નવું રહસ્ય ઊભું થયું છે. ઈરાનના ફોર્ડો, નતાન્ઝ અને ઇસ્ફહાન પરમાણુ સ્થળો પર કરાયેલા અમેરિકન હવાઈ હુમલા બાદ એક B-2 સ્ટીલ્થ બોમ્બર હજુ સુધી તેની હોમ બેઝ વ્હાઇટમેન એરફોર્સ બેઝ (મિઝોરી) પર પાછું ફર્યું નથી. આ ઘટનાઓના પગલે અનેક તર્કવિતર્કો, દાવા અને આક્રાંતા વિમાનોની સ્થિતિ વિશે નવી શંકાઓ ઉભી થઈ છે.
શું ગુમ થયેલું B-2 બોમ્બર ગુપ્ત મિશન પર છે?
21 જૂન 2025ના રોજ અમેરિકાએ ઈરાનના મહત્વપૂર્ણ પરમાણુ કેન્દ્રો પર વ્યૂહાત્મક હુમલાઓ કર્યા હતા. આ દરમિયાન B-2 સ્પિરિટ બોમ્બરોના બે જુદા જુદા જૂથો તૈનાત કરાયા હતા:
- જૂથ 1: પશ્ચિમ તરફ પેસિફિક મહાસાગર તરફ ઉડાન – આ જૂથના વિમાનોની સંખ્યા ગુપ્ત હતી.
- જૂથ 2: ઈરાનના ફોર્ડો અને નતાન્ઝ પર સીધો હુમલો – જેમાં 7 B-2 બોમ્બરોએ 14 GBU-57 બંકર-બસ્ટર બોમ્બ્સ ફેંક્યા હતા અને સફળતાપૂર્વક પાછા ફર્યા હતા.
તેમ છતાં, જૂથ-1માં સમાવિષ્ટ એક B-2 બોમ્બર હજુ પણ તેના બેઝ પર પાછું ફર્યું નથી – જેના કારણે અનેક તર્કવિતર્કો શરૂ થયા છે.
કેટલાંક દાવાઓ શું કહે છે?
- ટેકનિકલ ખામીનો ભોગ બનવું: એવું માનવામાં આવે છે કે આ B-2 બોમ્બર વિમાને હવાઈના ડેનિયલ કે. ઇનોયે એરપોર્ટ (જ્યાં હિકમ એરફોર્સ બેઝ સ્થિત છે) પર ટેકનિકલ ખામીને કારણે ઇમરજન્સી લેન્ડિંગ કર્યું હતું.
- અજ્ઞાત મિશન પર: કેટલાક દાવાઓ અનુસાર, વિમાન હજુ પણ હવાઈમાં છે અથવા બીજું ગુપ્ત મિશન પતિ રહેલું છે.
- છુપાવવાની વ્યૂહરચના: કેટલાક નિષ્ણાતો માને છે કે આ B-2 સ્ટીલ્થ બોમ્બરને ખાસ રીતે છોડવામાં આવ્યું છે જેથી દુશ્મન વિમાની સંખ્યા અને દિશા અંગે ગેરમાર્ગે જાય.
ઓપન સોર્સ ઇન્ટેલિજન્સ અને વાયરલ વિડિઓ
એક નાગરિક દ્વારા હવાઈમાં લેવામાં આવેલ B-2 બોમ્બરનો વિડિઓ સોશિયલ મીડિયામાં વાયરલ થયો છે. આ વીડિયો મુજબ વિમાન હવાઈમાં સ્થિર છે અને આસપાસ સુરક્ષા પણ ગાઢ છે. વિશ્લેષકો માને છે કે આ બધું ઈરાન અને અન્ય વિરોધી દેશોને ગૂંચવી દેવા માટે જાણતી વ્યુહરચના હોઈ શકે છે – જેમાં ઓપન સોર્સ ઇન્ટેલિજન્સ (OSINT) તથા મીડિયા દ્વારા જાણબૂઝીને ખોટી દિશામાં માહિતી વહેતી કરાઈ છે.
One of the seven B-2A “Spirit” Stealth Heavy Strategic Bombers deployed by the U.S. Air Force (USAF) for a diversionary maneuver during the operation against Iran has been forced out of action. The aircraft made an emergency landing in Hawaii due to a technical failure, and still… pic.twitter.com/FsVVWiphxp
— OSINTWarfare (@OSINTWarfare) June 27, 2025
ફ્લાઇટ ડેટા શું બતાવે છે?
ટ્રેકિંગ ડેટા દર્શાવે છે કે “Mytee 11” અને “Mytee 21” કોલ સાઇનવાળા B-2 વિમાનો સાથે એરિયલ રિફ્યુઅલિંગ ટેન્કરો પણ જોડાયા હતા. તેમ છતાં, માત્ર બીજું જૂથ હુમલાઓ બાદ પાછું ફર્યું હોવાનો પુરાવો મળ્યો છે. પ્રથમ જૂથ વિશે હજુ સુધી કોઈ સત્તાવાર વિગતો જાહેર કરાઈ નથી.
સ્ટ્રેટેજિક ચુપચાપી કે સર્જનાત્મક દગો?
ગુમ થયેલું B-2 બોમ્બર અમેરિકાની રક્ષણ નીતિનું એક ભાગ હોઈ શકે છે – દુશ્મનને ગેરમાર્ગે દોરવા અને માનસિક દબાણમાં લાવવા માટે. જોકે, તે ટેકનિકલ ખામીના કારણે ફસાઈ ગયું હોય તેવી શક્યતા પણ નકારી શકાય નહીં.
જો કે હકીકત એ છે કે એક સ્ટીલ્થ બોમ્બરનું ગાયબ થવું માત્ર ટેકનિકલ ઘટના નહીં, પણ વૈશ્વિક શાંતિ અને તણાવના સંદર્ભે ગંભીર સંકેત છે. હવે જોવાનું એ રહેશે કે આ બોમ્બર આગળ શું ભજવે છે – એક છુપાયેલું મિશન કે માત્ર એક “અનપ્લાન્ડ ડિટુર”?
