કેન્દ્રીય હવામાન વિભાગે પર્યટન શૉખીનોને એવી સલાહ આપી હતી કે 27 ઓક્ટોબર સુધી ગોવાના પ્રવાસે જવાનો વિચાર સુદ્ધાં નહીં કરતા. ગોવામાં આ દિવસોમાં ભારે વરસાદ પડવાની શક્યતા છે અને અમે રેડ એલર્ટ જાહેર કરાવ્યું છે.
હવામાન ખાતાએ કહ્યું હતું કે અરબી સમુદ્રમાં વાવાઝોડાની જોરદાર અસર હોવાથી 24 ઓક્ટોબરથી 27 ઓક્ટોબર સુધી અત્યંત ભારે વરસાદ પડવાની શક્યતા છે. માટે આ વિસ્તારથી દૂર રહેજો. ગુરૂવારે ગોવામાં 90 મિલિમિટર વરસાદ નોંધાયો હતો.
ઈન્ડિયન મીટરોલોજિકલ ડિપાર્ટમેન્ટના ગોવાના વડા ડૉક્ટર કૃષ્ણમૂર્તિ પડગલવારે કહ્યું હતું કે પૂર્વ અને ઇશાન દિશામાં વાવાઝોડું સ્થિર થઇ રહ્યું હોય એવા અણસાર મળ્યા હતા. એટલે કાંઠા વિસ્તારમાં ભારે વરસાદ પડવાની શક્યતા છે. દક્ષિણ ભારતમાં આમ પણ છેલ્લા ચાર પાંચ દિવસથી ભારે વરસાદ પડી રહ્યો હતો અને કેટલાક સ્થળે ત્રણથી ચાર ફૂટ જેટલાં પાણી ભરાયાં હતાં. તામિલનાડુ, કર્ણાટક અને કેરળના કેટલાક વિસ્તારોના ઘરોમાં પાણી ભરાઇ ગયાં હતાં.દિ