Gold Price Today 17 જુલાઈએ સોનું સસ્તું, ચાંદી મોંઘી
Gold Price Today ગુરુવાર, 17 જુલાઈના રોજ સોનાના ભાવમાં ઘટાડો નોંધાયો છે, જે ઘરેણાં ખરીદનારા માટે રાહતરૂપ છે. આજે 10 ગ્રામ સોનાના ભાવમાં 0.32%નો ઘટાડો જોવા મળ્યો છે, જેના પગલે સોનાનો દર 97,475 રૂપિયા થયો છે. બીજી તરફ, ચાંદીમાં તેજી યથાવત રહી છે અને તેનો ભાવ 1,11,891 રૂપિયા પ્રતિ કિલોગ્રામ પહોંચ્યો છે.
બુધવારના સત્રમાં પણ સોનામાં નરમાશ
ઓલ ઈન્ડિયા સરાફા એસોસિએશન અનુસાર, બુધવારે દેશની રાજધાની દિલ્હીમાં સોનાનો ભાવ સતત બીજા ટ્રેડિંગ દિવસે ઘટ્યો હતો. 99.9% શુદ્ધતા ધરાવતું સોનું 200 રૂપિયા ઘટીને 99,370 રૂપિયા પ્રતિ 10 ગ્રામ થયું હતું, જ્યારે 99.5% શુદ્ધતાવાળું સોનું 400 રૂપિયા ઘટીને 98,400 રૂપિયા પ્રતિ 10 ગ્રામ થઈ ગયું હતું. અગાઉના ટ્રેડિંગ સત્રમાં તેનો બંધ ભાવ 98,800 રૂપિયા હતો.
મહત્વપૂર્ણ વાત એ છે કે, ચાંદીના ભાવમાં વધારાનો યથાવત્ પ્રવાહ ચાલુ છે, જેનાથી ઔદ્યોગિક માંગ અને રોકાણ વધ્યું હોવાનું નિષ્ણાતો માને છે. જો આવું ચાલુ રહેશે તો સોનામાં વધઘટના હિસાબથી રોકાણકારો ચાંદી તરફ વધુ વળે તેવી શક્યતા છે.
