શું છે પીએમ સ્વાનીધિ ક્રેડિટ કાર્ડ? પીએમ મોદીએ કેરળમાં કરી લોન્ચિંગ, જાણો લારી-ગલ્લા ધારકોને કેવી રીતે થશે ફાયદો

બજેટ 2025: રેહડી-પટરી ધારકો માટે મોટી ભેટ; હવે મળશે ₹30,000નું UPI-લિંક્ડ ક્રેડિટ કાર્ડ અને વધુ લોન

કેન્દ્ર સરકારે ‘પ્રધાનમંત્રી સ્વનિધિ યોજના’ (PM SVANidhi) ને નવું સ્વરૂપ આપીને દેશના કરોડો લારી-ગલ્લા ધારકો માટે નાણાકીય સહાય અને આધુનિક બેંકિંગના નવા દ્વાર ખોલી દીધા છે. નાણામંત્રી નિર્મલા સીતારમણે બજેટ 2025માં આ યોજનાના વિસ્તાર અને તેના હેઠળ મળતા લાભોમાં ધરખમ વધારો કરવાની જાહેરાત કરી છે. આ પહેલનો મુખ્ય ઉદ્દેશ્ય નાના દુકાનદારોને ઊંચા વ્યાજવાળા બિનસત્તાવાર દેવામાંથી મુક્તિ અપાવવી અને તેમને ડિજિટલ અર્થતંત્રનો હિસ્સો બનાવવાનો છે.

યોજના હેઠળ નવા અને વધેલા લાભો

સરકારે આ યોજના હેઠળ લોનની મર્યાદામાં મહત્વપૂર્ણ ફેરફારો કર્યા છે:

• વધારેલી લોન (Loan Limits): યોજનાના પ્રથમ તબક્કામાં મળતી લોનને ₹10,000 થી વધારીને ₹15,000 અને બીજા તબક્કાની લોનને ₹20,000 થી વધારીને ₹25,000 કરવામાં આવી છે. ત્રીજા તબક્કા હેઠળ મળતી ₹50,000ની લોન પહેલાની જેમ જ ચાલુ રહેશે.
• ₹30,000નું ક્રેડિટ કાર્ડ: જે વેન્ડર્સ (વિક્રેતાઓ) તેમની બીજા તબક્કાની લોન સમયસર ચૂકવી દેશે, તેઓ હવે ₹30,000ની લિમિટ ધરાવતા UPI-લિંક્ડ RuPay ક્રેડિટ કાર્ડ માટે પાત્ર બનશે.
• વ્યાજ મુક્ત સુવિધા: આ ક્રેડિટ કાર્ડ પર 20 થી 50 દિવસ સુધીનો વ્યાજ મુક્ત સમયગાળો મળશે, જેનાથી વિક્રેતાઓ તેમની દૈનિક જરૂરિયાતો માટે વર્કિંગ કેપિટલ (કાર્યકારી મૂડી) સરળતાથી મેળવી શકશે.
• ગેરંટી વગર લોન: પીએમ સ્વનિધિ હેઠળ મળતી આ લોન માટે કોઈ પણ પ્રકારની ગેરંટીની જરૂર નથી.

વડાપ્રધાન મોદીએ કરી ક્રેડિટ કાર્ડની શરૂઆત

વડાપ્રધાન નરેન્દ્ર મોદીએ તાજેતરમાં તેમની કેરળ મુલાકાત દરમિયાન આ પીએમ સ્વનિધિ ક્રેડિટ કાર્ડને સત્તાવાર રીતે લોન્ચ કર્યું. આ પ્રસંગે અંદાજે એક લાખ રેહડી-પટરી ધારકોને લોન પણ વિતરિત કરવામાં આવી હતી. વડાપ્રધાને ભાર મૂક્યો હતો કે આ કાર્ડ માત્ર નાણાકીય સહાય જ પૂરી પાડશે નહીં, પરંતુ વિક્રેતાઓને તેમનો ઔપચારિક ક્રેડિટ ઇતિહાસ (Credit History) બનાવવામાં પણ મદદ કરશે, જેથી ભવિષ્યમાં બેંકો પાસેથી અન્ય સેવાઓ મેળવવી સરળ બને.

ડિજિટલ વ્યવહારો પર કેશબેક અને સબસિડી

યોજનામાં ડિજિટલ અપનાવવાને પ્રોત્સાહન આપવા માટે અનેક પ્રોત્સાહનો સામેલ છે:

અત્યાધુનિક યુદ્ધ માટે તૈયાર ભારત: 20,000 કરોડના સ્વદેશી ડ્રોનથી સજ્જ થશે સેના

કેરળમાં આજથી ચોમાસાનું સત્તાવાર આગમન, દેશના ૧૨ રાજ્યોમાં ભારે વરસાદની આશંકા

• વ્યાજ સબસિડી: સમયસર લોન ચૂકવનારા લાભાર્થીઓને વાર્ષિક 7 ટકા વ્યાજ સબસિડી આપવામાં આવશે, જે સીધી તેમના ખાતામાં જમા થશે.
• કેશબેક: ડિજિટલ ટ્રાન્ઝેક્શન કરનારા વિક્રેતાઓને વાર્ષિક ₹1,200 સુધીનું કેશબેક મળી શકે છે. આ ઉપરાંત, ₹2,000 થી વધુની જથ્થાબંધ ખરીદી પર પણ વધારાના કેશબેકની જોગવાઈ છે.

કોણ અને કેવી રીતે કરી શકે છે અરજી?

• પાત્રતા: રસ્તાના કિનારે લારી લગાવનારા, ફળ-શાકભાજી વિક્રેતા, વાળંદ, મોચી અને પાનની દુકાન ચલાવનારા આ યોજનાનો લાભ લઈ શકે છે. હવે આ યોજનાનો વિસ્તાર નગરપાલિકાઓના બહારના વિસ્તારો (Peri-urban areas) અને સેન્સસ ટાઉન (Census towns) સુધી કરવામાં આવ્યો છે.
• જરૂરી દસ્તાવેજો: અરજી માટે આધાર કાર્ડ, મતદાર ઓળખપત્ર અને મોબાઈલ નંબરનું આધાર સાથે લિંક હોવું અનિવાર્ય છે.
• અરજી પ્રક્રિયા: ઈચ્છુક લાભાર્થીઓ પીએમ સ્વનિધિના સત્તાવાર પોર્ટલ (pmsvanidhi.mohua.org.in) અથવા મોબાઈલ એપ દ્વારા અરજી કરી શકે છે. આ ઉપરાંત, કોમન સર્વિસ સેન્ટર (CSC) ની મદદ પણ લઈ શકાય છે.

લક્ષ્યાંક અને ભવિષ્યની યોજના

સરકારે આ યોજનાની અવધિ વધારીને 31 માર્ચ, 2030 સુધી કરી દીધી છે. પુનર્ગઠિત યોજનાના માધ્યમથી કુલ 1.15 કરોડ રેહડી-પટરી ધારકોને લાભ પહોંચાડવાનું લક્ષ્ય રાખવામાં આવ્યું છે, જેમાં 50 લાખ નવા લાભાર્થીઓ સામેલ થશે. અત્યાર સુધીમાં 68 લાખથી વધુ વિક્રેતાઓ આ યોજનાનો લાભ લઈ ચૂક્યા છે.