24 ફેબ્રુઆરીએ ટ્રમ્પ ગુજરાત આવી રહ્યા છે તયારે અમદાવાદ શહેરમાં બનાવવામાં આવેલા વિશ્વના સૌથી મોટા સ્ટેડિયમનું લોકાર્પણ અમેરિકન રાષ્ટ્રપતિ ડોનાલ્ડ ટ્રમ્પ અને પીએમ મોદી દ્વારા કરવામાં આવશે. તે પહેલા આ બન્ને 23 કિલો મીટરનો રોડ શો કરશે. આ કાર્યકર્મમાં અમદાવાદ જિલ્લા સિવાયના 10 જિલ્લામાંથી સવા લાખ માણસો બોલાવવામાં આવ્યા છે. જયારે આ તમામ લોકોને કાળા કપડાં ન પહેરવા કે પછી કાળો રૂમાલ પણ જોડે ન રાખવા માટે સૂચના આપવામાં આવી છે.
ટ્રમ્પની સુરક્ષા માટે અન્ય જિલ્લા અને શહેરમાંથી મોકલવામાં આવનાર પોલીસ અંગ્રેજી જાણકાર, સ્માર્ટ, ડ્રેસિંગ સેન્સ વાળી આમ પસંદગી કરી પોલીસને મોકલવા રાજ્ય પોલીસ વડાએ આદેશ કર્યા હતા. આ સાથે અગામી 24મી ફેબ્રુઆરીએ નમસ્તે ટ્રમ્પ કાર્યક્રમ એરપોર્ટથી મોટેરા થઇ ગાંધીઆશ્રમ સુધીના માર્ગ ઉપર રોડ શો થવાનો છે. જેના પગલે આ દિવસે રોડ-શોના કાર્યક્રમ દરમિયાન AMTS-BRTSના 50થી વધુ રૂટો ડાયવર્ટ કરી દેવાની પણ વાત સામે આવી છે.