આજના શિક્ષણ ની અધોગતિ થઈ છે અને શિક્ષકો પોતાની મર્યાદા ભૂલતા જઇ રહ્યા હોવાના કિસ્સા જોવા મળી રહ્યા છે ત્યારે દાહોદ જિલ્લામાં માં સરસ્વતી મંદિર માં બાળકો ને શિક્ષણ આપનાર શિક્ષક પોતાની પવિત્ર ફરજ ચુકી બુટલેગર બની દારૂ વેચતો હોવાનો કિસ્સો પ્રકાશમાં આવ્યો છે.
સુખસર પોલીસને બાતમી મળી હતી કે, દાહોદ જિલ્લાના ફતેપુરા તાલુકાના મોટાનટવા ગામના જાબુડી ફળીયામાં રહેતા પ્રાથમિક શાળાના શિક્ષક સડીયાભાઇ ઉર્ફે સરદારભાઇ હકલાભાઇ બામણીયાના ઘરમાં અને ખેતરમાં હોળીને પગલે દારૂ છુપાવવામાં આવેલો છે. જેથી દાહોદ જિલ્લા પોલીસ વડા હિતેશ જોઇસરની સૂચનાથી ઝાલોદ ડીવાયએસપી જાદવના માર્ગદર્શન હેઠળ સુખસર પી.એસ.આઇ એસ.એન.બારીયા તથા સ્ટાફના એ.એસ.આઇ શંકરભાઇ હેડ કોન્સ્ટેબલ સુરેશભાઈ પલાસ અને મનોજભાઈ જીતુભાઈ સહિત સ્ટાફે રેડ પાડીને શિક્ષકના ઘરમાં અને ખેતરમાં દાટેલો રૂ. 2.04 લાખની કિંમતનો વિદેશી દારૂ અને બીયરનો જથ્થો ઝડપી પાડ્યો હતો અને આરોપી શિક્ષકની ધરપકડ કરી હતી.
આવી રહેલા હોળી અને ધુળેટી પર્વ માં કમાવા ની લ્હાય માં ધંધો કરવા તેણે દારૂનો જથ્થો મંગાવ્યો હતો પરંતુ તે ઝડપાઇ ગયો હતો
