અમદાવાદ–મહેસાણા ૫૧ કિમી હાઇવેને રૂ. ૨,૬૩૦ કરોડના ખર્ચે આઠ માર્ગીય બનાવવા મુખ્યમંત્રી ભૂપેન્દ્ર પટેલની કેબિનેટ મંજૂરી

ઉત્તર ગુજરાતની વર્ષો જૂની માંગ પૂર્ણ થવાની દિશામાં મોટું પગલું: અમદાવાદ–મહેસાણા હાઇવે આઠ માર્ગીય બનશે

અમદાવાદ અને ઉત્તર ગુજરાતને જોડતી મુખ્ય ધમની સમાન અમદાવાદ-મહેસાણા હાઇવે હવે આઠ માર્ગીય (8-Lane) બનવા જઈ રહ્યો છે. મુખ્યમંત્રી શ્રી ભૂપેન્દ્રભાઈ પટેલની અધ્યક્ષતામાં મળેલી કેબિનેટ બેઠકમાં આ મહત્વકાંક્ષી પ્રોજેક્ટને મંજૂરી આપવામાં આવી છે. પ્રવક્તા મંત્રી શ્રી જીતુભાઈ વાઘાણીએ આ પ્રોજેક્ટથી મહેસાણા, પાટણ અને બનાસકાંઠાની પ્રજાની વર્ષો જૂની માંગ પૂરી થશે તેમ જણાવ્યું હતું.

પ્રોજેક્ટની મુખ્ય વિશેષતાઓ

અડાલજથી મહેસાણાના પાલાવાસણા સર્કલ સુધીના ૫૧.૬૦ કિમીના પટ્ટામાં નીચે મુજબની કામગીરી કરવામાં આવશે:

• રોડની પહોળાઈ: હયાત ચાર માર્ગીય રસ્તાને આઠ માર્ગીય કરવામાં આવશે અને બંને બાજુ ૭ મીટરના સર્વિસ રોડ તૈયાર થશે.

• એલિવેટેડ કોરિડોર: કલોલ શહેરના ટ્રાફિકમાંથી મુક્તિ અપાવવા ૬.૧૦ કિમી લાંબો એલિવેટેડ કોરિડોર બનાવવામાં આવશે.

• બ્રિજ અને અંડરપાસ: પ્રોજેક્ટમાં ૮ નવા ફ્લાયઓવર અને ૮ સ્થળોએ અંડરપાસનું નિર્માણ થશે. આ ઉપરાંત કલોલ રેલવે ઓવરબ્રિજ (ROB) ની બાજુમાં નવો ચાર માર્ગીય બ્રિજ પણ બનશે.

ટ્રાફિકની સમસ્યાનું કાયમી નિરાકરણ

વર્ષ ૧૯૯૯માં આ હાઇવે ચાર માર્ગીય કરાયો હતો, પરંતુ હાલ અહીં દૈનિક ૧ લાખથી વધુ વાહનો પસાર થાય છે. ટ્રાફિકના ભારે ભારણને કારણે વારંવાર જામની સ્થિતિ સર્જાય છે. નવા પ્રોજેક્ટથી:

વલસાડમાં વિશ્વ પર્યાવરણ દિવસની ઉજવણી: ભાજપ લઘુમતી મોરચા દ્વારા શાહ કે.એમ. હાઈસ્કૂલ ખાતે કરાયું વૃક્ષારોપણ

વિશ્વ પર્યાવરણ દિવસ: ગાયસાવર ગામે વન વિભાગ અને ગ્રામજનો દ્વારા ૨૦,૦૦૦ વૃક્ષોનું ભવ્ય વાવેતર

૧. વાહનચાલકોના સમય અને ઇંધણની બચત થશે.

૨. અકસ્માતોનું પ્રમાણ ઘટશે અને મુસાફરી વધુ સલામત બનશે.

૩. કલોલ જેવા ગીચ શહેરી વિસ્તારમાં ઉપરથી ટ્રાફિક પસાર થઈ શકશે, જેથી સ્થાનિક લોકોને પણ રાહત મળશે.