Air Taxi: સ્પીડ એટલી વધુ છે કે તે તમને દિલ્હીથી દેરાદૂન 1 કલાકમાં લઈ જશે! આ ઉડતી ટેકસી ટૂંક સમયમાં શરૂ થશે
Air Taxi: ઇન્ડિયા મોબિલિટી ગ્લોબલ એક્સ્પો 2025 દિલ્હીના ભારત મંડપમ ખાતે યોજાયો હતો, જેમાં સરલા એવિએશને “ઝીરો” નામની એર ટેક્સીનું અનાવરણ કર્યું છે. આ એર ટેક્સી શહેર પરિવહન માટે એક નવો અને ટકાઉ વિકલ્પ બનવા જઈ રહી છે, જે ખાસ કરીને ભીડવાળા વિસ્તારોમાં ઝડપી પરિવહન માટે રચાયેલ છે.
Air Taxi: આ એર ટેક્સી eVTOL (ઇલેક્ટ્રિક વર્ટિકલ ટેક-ઓફ અને લેન્ડિંગ) ટેકનોલોજી પર આધારિત છે, જે ભારતમાં 2028 સુધીમાં બેંગલુરુથી લોન્ચ કરવાની યોજના છે. આ પછી તેને મુંબઈ, દિલ્હી, પુણે અને અન્ય શહેરોમાં પણ લાવવામાં આવશે.
એર ટેક્સીની ઝડપ કેટલી છે?
આ એર ટેક્સીની ગતિ વિશે વાત કરીએ તો, તે 250 કિલોમીટર પ્રતિ કલાકની ઝડપે 1 કલાકમાં 250 કિલોમીટરનું અંતર કાપી શકે છે. ઉદાહરણ તરીકે, દિલ્હીથી દેહરાદૂનનું અંતર લગભગ 255 કિલોમીટર છે, જે આ એર ટેક્સી ફક્ત 1 કલાકમાં કાપી શકે છે.
જોકે, તેનો ઉપયોગ મુખ્યત્વે 20 થી 30 કિલોમીટર સુધીના ટૂંકા અંતર માટે કરવામાં આવશે, જેનો હેતુ ભીડભાડવાળા વિસ્તારોમાં સમય બચાવવાનો છે. “ઝીરો” એર ટેક્સીમાં 6 મુસાફરો અને 1 પાયલોટ બેસી શકે છે અને તે 680 કિલો વજન સુધી વહન કરી શકે છે.
એર ટેક્સીનું ભાડું પ્રીમિયમ ટેક્સી સર્વિસ જેટલું જ હશે
આ એર ટેક્સીની કિંમત વિશે વાત કરીએ તો, તેનું શરૂઆતનું ભાડું પ્રીમિયમ ટેક્સી સેવા જેટલું હશે, પરંતુ ભવિષ્યમાં તેને ઓટો-રિક્ષા જેટલું જ આર્થિક બનાવવાની યોજના છે. સરલા એવિએશનના સહ-સ્થાપક અને સીઈઓ એડ્રિયન શ્મિટના મતે, “ઝીરો” માત્ર એક તકનીકી સિદ્ધિ નથી પરંતુ ભારતમાં શહેરી ટ્રાફિકને ફરીથી વ્યાખ્યાયિત કરવાનું એક વિઝન છે. આ ટ્રાફિક જામ અને પ્રદૂષણ જેવી સમસ્યાઓ હલ કરતી વખતે ભારતની આર્થિક ક્ષમતામાં મહત્વપૂર્ણ યોગદાન આપશે.