Mercedes-Benz
Mercedes-Benz New Cars Launch Date: મર્સિડીઝ-બેન્ઝ ભારતમાં તેની પકડ વધુ મજબૂત કરવાની તૈયારી કરી રહી છે. નવી EQA અને EQB ફેસલિફ્ટ પછી, CLE કેબ્રિઓલેટ અને GLC 43 4Matic Coupe લોન્ચ થવા જઈ રહી છે.
Mercedes-Benz New Cars: મર્સિડીઝ-બેન્ઝ ભારતીય બજારમાં એક પછી એક નવા મૉડલ લૉન્ચ કરી રહી છે. તાજેતરમાં, લક્ઝરી કાર ઉત્પાદકે બજારમાં નવી EQA અને EQB ફેસલિફ્ટ લોન્ચ કરી છે. હવે મર્સિડીઝ વધુ બે નવા વાહનો બજારમાં ઉતારવાની તૈયારી કરી રહી છે. કંપની મર્સિડીઝ-બેન્ઝ CLE કેબ્રિઓલેટ અને GLC 43 4Matic Coupe સાથે ભારતમાં તેની પકડ વધુ મજબૂત કરવા માંગે છે.
આ મર્સિડીઝ વાહનોમાં, નવી CLE ભારતમાં કંપનીની ત્રીજી કન્વર્ટિબલ કાર હશે. અગાઉ આ વાહન E 53 Cabriolet અને SL 55 Roadsterના રૂપમાં લોન્ચ કરવામાં આવ્યું હતું. જ્યારે GLC 43 આ રેન્જના વાહનોનું ટોપ-સ્પેક પરફોર્મન્સ વેરિઅન્ટ હોઈ શકે છે. લક્ઝરી ઓટોમેકરે આ વાહનોની લોન્ચિંગ તારીખની પુષ્ટિ કરી છે. આ બંને વાહનો ભારતમાં 8 ઓગસ્ટે લોન્ચ થશે. આ બંને વાહનો સંપૂર્ણ રીતે આયાત કરવામાં આવી રહ્યા છે.
Mercedes-Benz CLE Cabriolet
Mercedes-Benz CLE Cabriolet જુલાઈ 2023 માં વૈશ્વિક બજારમાં લોન્ચ કરવામાં આવી હતી. આ નવી CLA કાર મર્સિડીઝના મોડ્યુલર રિયર આર્કિટેક્ચર પ્લેટફોર્મ પર આધારિત છે. વિદેશી બજારમાં, CLE કૂપ અને કન્વર્ટિબલ બંને મોડલમાં ઉપલબ્ધ છે. પરંતુ લક્ઝરી ઓટોમેકર ભારતમાં માત્ર તેનું કન્વર્ટિબલ વર્ઝન રજૂ કરવા જઈ રહી છે.
મર્સિડીઝ-બેન્ઝ CLE એ સી-ક્લાસ અને ઇ-ક્લાસ કૂપ બંને કરતાં લાંબી કાર છે. CLEમાં લેટેસ્ટ C-ક્લાસ ઇન્ટિરિયર છે. આ કારમાં 12.3-ઇંચનું ઇન્સ્ટ્રુમેન્ટ અને 11.9-ઇંચ પોટ્રેટ સ્ટાઇલ ઇન્ફોટેનમેન્ટ ડિસ્પ્લે છે.
Mercedes-Benz GLC 43 4Matic Coupe
મર્સિડીઝ-બેન્ઝની નવી GLC 43 4Matic Coupeનું ગયા વર્ષે સપ્ટેમ્બરમાં પ્રીવ્યુ કરવામાં આવ્યું હતું. આ કારમાં 3.0-લિટર, બાય-ટર્બો, 6-સિલિન્ડર એન્જિન છે. આ સિવાય આ કાર 2.0-લિટર, 4-સિલિન્ડર ટર્બો ચાર્જ્ડ એન્જિન, હળવી હાઇબ્રિડ ટેક્નોલોજી સાથે આવે છે. GLCમાં, આ એન્જિન 421 hpનો પાવર અને 500 Nmનો ટોર્ક જનરેટ કરે છે. આ કાર 4.7 સેકન્ડમાં 0 થી 100 kmphની સ્પીડ પકડી શકે છે. આ કારની ઈલેક્ટ્રોનિકલી રેટેડ ટોપ સ્પીડ 250 kmph છે.
