ડ્રાઈવરોને પારદર્શક કમિશન અને મુસાફરોને વાજબી ભાડાં સાથે સહકારી ટેક્સી સેવા નો નવો પ્રયોગ
દેશના સહકારી ક્ષેત્રને વધુ મજબૂત બનાવવા કેન્દ્ર સરકાર પરિવહન વ્યવસાયને સહકારિતાના મોડલમાં લાવવા માટે પ્રયાસશીલ બની છે. આ જ દિશામાં દિલ્હી બાદ હવે રાજકોટમાં ‘ભારત ટેક્સી ડ્રાઈવર એપ’નું સત્તાવાર લોન્ચિંગ કરવામાં આવ્યું છે. આ સાથે સહકારી માળખામાં ટેક્સી સેવા શરૂ કરનાર ગુજરાતનું પહેલા શહેર તરીકે રાજકોટનું નામ નોંધાયું છે. સરકારનો આશય છે કે પરંપરાગત ખાનગી મોડલની સામે ડ્રાઈવરોને વધારે હિતકારક અને મુસાફરોને વધુ વાજબી ભાડાં મળે.
રાજકોટમાં સર્વિસ અને રજિસ્ટ્રેશન સેન્ટર શરૂ
રાજકોટના વ્યસ્ત કિસાનપરા ચોક વિસ્તારમાં આ સહકારી ટેક્સી સેવાના સંચાલન માટે વિશેષ બૂથ સ્થાપિત કરવામાં આવ્યું છે. અહીં ટેક્સી ડ્રાઈવરો માટે સરળ રજિસ્ટ્રેશન અને મુસાફરો માટે ઝડપી સેવા ઉપલબ્ધ થશે. ખાનગી કંપનીઓના મોનોપોલીના કારણે ડ્રાઈવરોને મળતા હિસ્સામાં લાંબા સમયથી અસંતોષ હતો, ત્યારે આ સહકારી મોડલ ડ્રાઈવરોને પારદર્શક કમિશન અને મુસાફરોને વાજબી ભાડાં પ્રદાન કરવાનું વચન આપે છે. સેવા શરૂ થતાં જ ટેક્સી ચાલકોમાં ખુશીનો માહોલ જોવા મળ્યો.
સેવા સૌરાષ્ટ્રનાં વિસ્તારો સુધી પહોચશે
આ સેવા માત્ર રાજકોટ શહેર સુધી સીમિત નહીં રહે, પરંતુ સૌરાષ્ટ્રના નજીકના જિલ્લાઓ અને ટાઉન વિસ્તારો સુધી ધીમે ધીમે વિસ્તરશે. સેવા સંચાલકોનું માનવું છે કે મુસાફરોને વધુ સુરક્ષિત, સુવિધાજનક અને સસ્તી મુસાફરી ઉપલબ્ધ કરાવવી એ આ પહેલનું મુખ્ય ધ્યેય છે. સહકારી મોડલથી ડ્રાઈવરો અને મુસાફરો વચ્ચે સીધું અને પારદર્શક જોડાણ બાંધવામાં આવશે. ભવિષ્યમાં અલગ-અલગ રૂટ પર સેવા વિસ્તારીને મોટા પ્રમાણમાં લોકો સુધી પહોંચવાનો પ્રયાસ થશે.
ગુજરાતના અન્ય શહેરોમાં પણ સેવા લાવવાની યોજના
દિલ્હીમાં મળેલા સફળ અનુભવને ધ્યાનમાં રાખીને હવે આ સહકારી ટેક્સી સેવા ગુજરાતના અન્ય મહાનગરો—અમદાવાદ, સુરત અને વડોદરા—માં પણ શરૂ કરવાની યોજના છે. પરિવહન ક્ષેત્રમાં સહકારી મોડલનો આ પ્રથમ મોટો પ્રયાસ ટૂંક સમયમાં દેશવ્યાપી પરિવર્તનનું કારણ બની શકે છે. તેનો હેતુ ખાનગી એપ્લિકેશનની એકાધિકારિતા તોડીને વધુ લોકો સુધી સસ્તી અને નિર્ભર ટેક્સી સેવાઓ પહોંચાડવાનો છે. ગુજરાતમાં આ મોડલ લોકપ્રિય થતાં અન્ય રાજ્યો પણ આ દિશામાં આગળ વધે તેવી શક્યતા છે.
ડ્રાઈવરોને આર્થિક સુરક્ષા અને મુસાફરોને સસ્તી સેવા
આ સહકારી ટેક્સી સેવા સાથે હજારો ટેક્સી ડ્રાઈવરોને આર્થિક સુરક્ષા, ઓછા કમિશન અને સરળ રજિસ્ટ્રેશનની સુવિધા મળશે. મુસાફરોને એક ક્લિકમાં ટેક્સી બુકિંગથી લઈને ઝડપભરી, વિશ્વાસપાત્ર અને વાજબી ભાડાવાળી સફરનો લાભ મળશે. સેવા આપવા માટેની પ્રક્રિયા સંપૂર્ણપણે ડિજિટલ હોવાથી એપ મારફતે સર્વિસ વધુ સુગમ બની રહેશે. ડ્રાઈવરોનું માનવું છે કે આવી પહેલોથી તેમની આવક વધશે અને ગ્રાહકોને પણ ઉત્તમ અનુભવ મળશે.
