ભરૂચના સેવાશ્રમ રોડ ઉપરથી ભરૂચ એલસીબી પોલીસે ગેરકાયદેસર હથિયારો સાથે કાર સાથે પસાર થતા ગાજીયાબાદના નામચીન ગુનેગાર રાહુલસિંહ ખંડેલવાલને ઝડપી પાડ્યો હતો. પોલીસે બે તંમચા, એક દેશી પિસ્તોલ તેમજ 29 કારતૂસ અને કાર તેમજ મોબાઈલ મળી કુલ રૂ. 5.69 લાખ ના મુદ્દામાલ સાથે તેની અટકાયત કરી રીમાન્ડની કાર્યવાહી હાથ ધરી હતી.ભરૂચ એલ.સી.બી પોલીસને મળેલી બાતમીના આધારે સેવાશ્રમ રોડ ઉપર વોચ ગોઠવી હતી. જે આધારે પોલીસે ગુનાહિત ઈતિહાસ ધરાવતા આરોપીની ધરપકડ કરી હતી. પોલીસના હાથે ઝડપાયેલ આરોપી રાહુલસિંહ ખંડેલવાલા હથિયારો ક્યાંથી લાવ્યો હતો અને કોને આપવાનો હતો તથા તેનો કોઈ ગુનામાં ઉપયોગ કરવામાં આવ્યો છે કે, કેમ તે દિશામાં પોલીસે તપાસ હાથ ધરી રીમાન્ડ મેળવવાના ચક્રો ગતિમાન કર્યા છે.
Wednesday, May 8