બોર્ડર 2 નો બોક્સ ઓફિસ પર દબદબો: 2026ની સૌથી મોટી હિટ બની

બોર્ડર 2 બની ૨૦૨૬ની સૌથી વધુ કમાણી કરનારી ફિલ્મ; છતાં આ ૫ બ્લોકબસ્ટર ફિલ્મોથી રહી ગઈ પાછળ

બોલીવુડના એક્શન સ્ટાર સની દેઓલ જ્યારે પણ સ્ક્રીન પર ‘હિન્દુસ્તાન’નો નારો લગાવે છે, ત્યારે થિયેટરોમાં સિક્કાઓનો વરસાદ થાય છે. વર્ષ ૧૯૯૭ની ક્લાસિક ફિલ્મ ‘બોર્ડર’ની સિક્વલ “બોર્ડર 2” સાથે પણ કંઈક આવું જ જોવા મળી રહ્યું છે. ૨૬ જાન્યુઆરી (પ્રજાસત્તાક દિવસ) ના લોંગ વીકેન્ડનો ભરપૂર લાભ ઉઠાવતા આ ફિલ્મે બોક્સ ઓફિસ પર ટંકશાળ પાડી છે.

૧૮ દિવસનું કલેક્શન: આંકડાની રમત

સેકનિલ્ક (Sacnilk) ના તાજા અહેવાલ મુજબ, “બોર્ડર 2” એ રિલીઝના ૧૮મા દિવસે (ત્રીજા સોમવારે) અંદાજે ₹૧.૮૫ કરોડની કમાણી કરી છે. વીકડેઝમાં કમાણીમાં સામાન્ય ઘટાડો જોવા મળ્યો છે, પરંતુ વીકેન્ડમાં ફિલ્મ હજુ પણ મજબૂત પકડ ધરાવે છે.

ભારતમાં કુલ નેટ કલેક્શન: ₹૩૧૧.૬૦ કરોડ

વર્લ્ડવાઈડ ગ્રોસ કલેક્શન: ₹૪૨૬.૧૫ કરોડ

‘દ્રશ્યમ 3’ ક્યારે રિલીઝ થશે? વિજય સલગાંવકરનું સસ્પેન્સ વધારવા આવી રહ્યો છે ‘પાતાલ લોક’નો આ પાવરહાઉસ એક્ટર!

સલમાન ખાનના ગેલેક્સી એપાર્ટમેન્ટમાં નીકળ્યો સાપ: મુંબઈમાં ભારે દોડધામ બાદ સુરક્ષિત રેસ્ક્યૂ

આ સાથે જ તે ૨૦૨૬માં રિલીઝ થયેલી તમામ ફિલ્મોમાં સૌથી વધુ કમાણી કરનારી ફિલ્મ બની ગઈ છે. અનુરાગ સિંહના નિર્દેશનમાં બનેલી આ ફિલ્મમાં વરુણ ધવન અને દિલજીત દોસાંજની એન્ટ્રીએ યુવા પ્રેક્ષકોને પણ આકર્ષ્યા છે.

આ ૫ ફિલ્મોના રેકોર્ડ હજુ પણ છે દૂર

ભલે “બોર્ડર 2” એ ૨૦૨૬માં સફળતાના ઝંડા ગાડ્યા હોય, પરંતુ ભારતીય સિનેમાના ઈતિહાસની ૫ મોટી ફિલ્મોના કલેક્શનને વટાવવા માટે તેણે હજુ લાંબી મજલ કાપવાની રહેશે. આ યાદીમાં નીચેની ફિલ્મોનો સમાવેશ થાય છે:

શા માટે “બોર્ડર 2” પાછળ રહી શકે?

ટ્રેડ એનાલિસ્ટ્સના મતે, “બોર્ડર 2” એ શરૂઆતના બે અઠવાડિયામાં અદભૂત પ્રદર્શન કર્યું હતું, પરંતુ ત્રીજા અઠવાડિયાથી તેની કમાણીમાં નોંધપાત્ર ઘટાડો જોવા મળ્યો છે. ફિલ્મનો બજેટ અંદાજે ₹૨૭૫ કરોડ હોવાથી તે ‘હિટ’ તો સાબિત થઈ ગઈ છે, પરંતુ ‘ગદર 2’ જેવી લોન્ગ જેવીટી (લાંબા સમય સુધી ચાલવાની ક્ષમતા) આ ફિલ્મમાં થોડી ઓછી દેખાઈ રહી છે. વળી, ‘મર્દાની 3’ જેવી નવી ફિલ્મોની એન્ટ્રીથી પણ સ્ક્રીન્સની સંખ્યામાં ઘટાડો થયો છે.

બ્રાહ્મણ સમાજ પર ટિપ્પણી મામલો: સુરત પોલીસ એક્શનમાં, ભારતીય ન્યાય સંહિતા હેઠળ બોલિવૂડ ડિરેક્ટર ઘેરાયા

શાહરૂખ-દીપિકાની જોડીનો સેટ પરથી નવો વીડિયો: પ્રેગ્નન્સીમાં દીપિકાને કમ્ફર્ટેબલ રાખવા શાહરૂખે કરી મહેનત

ચાહકોનો પ્રતિસાદ

સોશિયલ મીડિયા પર સની દેઓલના ડાયલોગ્સ અને દિલજીત દોસાંજના અભિનયના ખૂબ વખાણ થઈ રહ્યા છે. ખાસ કરીને હવામાં લડાતા યુદ્ધના દ્રશ્યો (Air Combat) અને ૧૯૭૧ના યુદ્ધની પૃષ્ઠભૂમિએ દર્શકોમાં દેશભક્તિનો જુવાળ ફરી જીવંત કર્યો છે.

“બોર્ડર 2” એ સાબિત કરી દીધું છે કે સની દેઓલ આજે પણ બોક્સ ઓફિસના અસલી ‘ધુરંધર’ છે. ભલે તે અત્યારે ટોપ ૫ ફિલ્મોથી પાછળ હોય, પરંતુ આગામી દિવસોમાં તે ₹૫૦૦ કરોડની ક્લબમાં સામેલ થાય છે કે નહીં તે જોવું રસપ્રદ રહેશે.