Adani Group
Adani Group- વિઝીંજામ પોર્ટના પ્રથમ તબક્કાની ટ્રાયલ ગુરુવારે થઈ હતી. આ અજમાયશ પ્રક્રિયાના ભાગરૂપે, મેર્સ્કનું એક મોટું જહાજ ‘સાન ફર્નાન્ડો’ બંદર પર પહોંચ્યું જે 2,000 થી વધુ કન્ટેનરથી ભરેલું હતું.
અદાણી પોર્ટ્સ અને સ્પેશિયલ ઇકોનોમિક ઝોન લિમિટેડ કેરળમાં વિઝિંજમ પોર્ટના વિકાસ પર 5 વર્ષમાં રૂ. 20,000 કરોડનું રોકાણ કરશે. અદાણી પોર્ટ્સના મેનેજિંગ ડિરેક્ટર, કરણ અદાણીએ વિઝિંજામ પોર્ટ પર આવી પહોંચેલા જાયન્ટ મધરશિપ સાન ફર્નાન્ડોના સ્વાગત સમારોહમાં આ જાહેરાત કરી હતી. આ સમારોહમાં કેરળના મુખ્યમંત્રી પિનરાઈ વિજયન પણ હાજર રહ્યા હતા.
વિઝિંજમ પોર્ટના પ્રથમ તબક્કાની ટ્રાયલ ગુરુવારે થઈ હતી. આ અજમાયશ પ્રક્રિયાના ભાગરૂપે, મેર્સ્કનું એક મોટું જહાજ ‘સાન ફર્નાન્ડો’ બંદર પર પહોંચ્યું જે 2,000 થી વધુ કન્ટેનરથી ભરેલું હતું. બંદરના પ્રથમ તબક્કાનું બાંધકામ પૂર્ણતાના આરે છે અને તેનો કોમર્શિયલ ઉપયોગ આ વર્ષે સપ્ટેમ્બર-ઓક્ટોબરથી શરૂ થશે. ત્રણ તબક્કામાં બાંધવામાં આવનાર આ બંદર નિર્ધારિત સમય પહેલા તૈયાર થઈ જશે અને 2028 સુધીમાં સંપૂર્ણ રીતે કાર્યરત થઈ જશે.
5 વર્ષમાં રૂ. 20,000 કરોડનું રોકાણ કરશે
વિઝિંજમ પોર્ટ એ એક ટ્રાન્સશિપમેન્ટ પોર્ટ છે જે મોટા પાયે જાહેર-ખાનગી ભાગીદારી દ્વારા બનાવવામાં આવ્યું છે. કરણ અદાણીએ જણાવ્યું હતું કે, પોર્ટના પ્રથમ તબક્કાનું કામ નિર્ધારિત સમય પહેલા પૂર્ણ થઈ જશે. અમારી પાસે પહેલેથી જ 600 મીટરની ઓપરેશનલ લંબાઈ છે અને અમે કાર્ગો માટે 7,500 કન્ટેનર યાર્ડ સ્લોટ તૈયાર કરી રહ્યા છીએ. અમે પ્રથમ તબક્કામાં 10 લાખ TEU ને હેન્ડલ કરવાની અપેક્ષા રાખીએ છીએ. અમને વિશ્વાસ છે કે અમે 15 લાખ TEU ને હેન્ડલ કરીશું.
વિઝિંજમ પોર્ટ એ પ્રથમ મેગા ટ્રાન્સશિપમેન્ટ કન્ટેનર ટર્મિનલ છે.
વિઝિંજમ પોર્ટ એ ભારતનું પ્રથમ મેગા ટ્રાન્સશિપમેન્ટ કન્ટેનર ટર્મિનલ છે અને તે વ્યૂહાત્મક રીતે મુખ્ય આંતરરાષ્ટ્રીય શિપિંગ માર્ગોથી માત્ર 10 નોટિકલ માઇલના અંતરે સ્થિત છે. તે ભારતના સૌથી ઊંડા બંદરોમાંનું એક છે. મોટા કન્ટેનર જહાજો અહીં સરળતાથી બર્થ કરી શકાય છે. આ બંદર અદ્યતન ક્રેન્સ અને ટેક્નોલોજીથી સજ્જ છે, જે હજુ સુધી ભારતના અન્ય કોઈ પોર્ટ પર ઉપલબ્ધ નથી.
5,500 થી વધુ નોકરીઓ
અદાણી જૂથનું કહેવું છે કે તે આનુષંગિક વિકાસ માટે પણ આયોજન કરી રહ્યું છે. જેમાં આધુનિક ફિશિંગ પોર્ટ, બંકરિંગ સુવિધાઓ, આઉટર રિંગ રોડ, સી ફૂડ પાર્ક, ક્રૂઝ ટુરિઝમ ફેસિલિટી અને ઔદ્યોગિક કોરિડોરનો સમાવેશ થાય છે. આનાથી વિઝિંજમમાં 5,500 પ્રત્યક્ષ અને પરોક્ષ રોજગાર પેદા થવાની અપેક્ષા છે.
